家後2.0 - 餃子與芝士蛋糕可以並存

食物：$$$$
環境：$$$1/2
服務：$$$$

幫襯左家後多年，但一街之隔的分店家後2.0，我卻一次也沒有踏足過，趁同老豆出深水埗買嘢兼搵食，不如就來試一試?

印象中總店在中午時份定必大排長龍，但我哋十二點半左右去到分店，不單唔使等，仲可以揀位，估唔到只是相距咁短路程，會有如此明顯既分別。

金豪酒家 - 地道嘢

食物：$$$$
環境：$$$$
服務：$$$$

轉眼間便一個月，老友又去回去英國，臨走前的飯聚，大家決定吃得地道些。

選了幾間深水埗的食店/大牌檔，最終主角拍板，來金豪酒家。

緊張咖哩麵 - 馬來風味

食物：$$$$
環境：$$$$
服務：$$$$

對星馬菜系有種莫名的好感，每當知道本地有新星馬餐廳開業，總會想去試一試。

深水埗好像是馬來餐廳的聚腳地，由蘇媽蘇媽開始，到捌哥捌哥，剛剛開業的，還有緊張咖哩麵。

與蘇媽、捌哥等不同，緊張咖哩麵源自吉隆坡，屬真真正正既過江龍。

中央飯店 - 吃風味

食物：$$$
環境：$$$1/2
服務：$$$1/2

間唔使都會想去舊式酒樓，嘆番一盅兩件，感受下那股風味。

深水埗的中央飯店，是其中一家相信年紀比我還大的酒樓，屈指一算，對上一次光顧，大大話話近廿年既事。

Lonely Paisley - 來點異國風情

食物：$$$$
環境：$$$$
服務：$$$$

要去鴨記買點東西，事前先找地方醫肚，我想起這家以旅行為主題的餐廳Lonely Paisley。

餐廳設計及裝潢帶點土耳其風，在香港唔算普遍，也是吸引我來吃飯打卡的原因之一。

年輕朋友可以盤膝而坐，悠然享用各式咖啡甜點。然而對我呢啲老人家而言，還是坐番正常枱就好了。

銀杏冰室 - 助弱勢的食店

食物：$$$1/2
環境：$$$1/2
服務：$$$1/2

今次介紹一間超級超級便宜的餐廳，岩晒我呢類窮鬼。

點平法?

羅漢果茶$1，白粥$2，番薯粥$5，排骨飯$8，南乳豬手 (三件)$10....

或許大家都聽過專門以聘請年長人士為店員的社企，銀杏飲食集團，佢哋係唔同地區都經營緊唔同類型的食肆，如日式拉麵、西餐，以致素食店等。而剛才我說那般便宜的食店，就是其集團在深水埗新開業的銀杏冰室。

家後 - 大愛洋蔥煎餃

食物：$$$$
環境：$$$1/2
服務：$$$1/2 

睇番紀錄，原來筆者對上一次幫襯家後，已經是三年前既事。

本已幾乎忘記了這裡，忽然You Tube彈出某明星介紹這餃子的舊影片，可能是提醒我要再去試試佢水準有無因開分店而下跌。

邊敘邊醉 - 優質邊邊

食物：$$$$
環境：$$$$
服務：$$$$ 

與K小姐飯聚，話題總離不開飲飲食食，畢竟我哋以吃喝玩樂為人生終極目標既人。

講開深水埗既美食，佢推介該區一個打邊爐既好地方，我即時牢記於心，決定在週末就去烚下烚下。

火鍋店位處深水埗與南昌站中間，都幾吊腳，但絕對唔會影響到我到訪既意慾。

星河餐廳 - 就是焗豬

食物：$$$1/2
環境：$$$1/2
服務：$$$1/2 

因為一個食評家既推介，因為MM既專訪，令呢間在深水埗屹立多年的老店，突然出現長長之人龍。某次經過深水埗，也被那人龍嚇怕，轉左去食蛋牛治。

坦白講，我，真係由細到大都從未見過呢度要排隊。

不過，香港人從來都只係三分鐘熱度。兩個多月後再訪，直行直入，可以揀位坐，是真正的復常。

Thaiger - 泰式漢堡外賣店

食物：$$$1/2
環境：$$$1/2
服務：$$$$

荔枝角長沙灣一帶，有兩家叫Thaiger既食店，但兩者並不屬同一集團，買既東西亦完全唔一樣。

是日，來到了順寧道的那間，係主打泰式漢堡的外賣店 (正確點說是注入泰式原素的漢堡包店而已)，在香港非常罕見。

柯打了食物，店主說可以開張摺枱俾我，坐係出面食。

新店速遞：Dancing Kettle - IGable

食物：$$$
環境：$$$$
服務：$$$$ 

濶太報料，長沙灣又有新Cafe開張，好IGable，問我有無興趣去試下。

興趣肯定是有，可惜當日另有活動，無法出席，但這店子的名字，我已牢記於心。

終於，我也找了個空檔，來到這所咖啡座，背對這世界，Hea足半天。

宗像屋 - 海鮮丼與牡蠣

食物：$$$
環境：$$$1/2
服務：$$$1/2 

深水埗宗像屋五年前剛開業時，筆者曾到訪過，那時不論午市定晚餐時段，總是排到天昏地暗。

轉眼間，五年過去，今天筆者七點左右再次來臨，仍然需要等位，五分鐘咁多啦！

餐牌依舊簡單，只得梅、竹、松及特上，家陣多了幾款即開生蠔供應，係咁~

吃那款也好，均會跟上前菜，係兩片魚生，配以清爽之胡麻醬。建議先吃一片，另一片留待來配茶漬飯。

泰基隆泰北面 - 泰值得支持的新店

食物：$$$1/2
環境：$$$1/2
服務：$$$$ 

一雞死，一雞鳴，呢個說話尤其適用於餐飲行業。

深水埗一鵞嗰個位，開了泰基隆茶餐廳的分店，但既不是茶記，亦唔係食燒鵝，而是主打泰北麵。

餐廳在五一前營業，與其總店相同，是間值得支持的良心店。

地方不大，沒有豪裝，擺放些泰式的擺設，突顯餐廳個性。

REHAB - 假日最佳節目

食物：$$$
環境：$$$$
服務：$$$1/2 

不能飛的假日，最佳節目肯肯定是與朋友去飲咖啡。

相約下午三點到訪，全因這是咖啡室的非繁忙時間，有機會直行直入，否則預左任何一間都要排到天昏地暗。

朋友揀既呢間Rehab，座落深水埗與太子交界的白楊街，人氣店Nomad旁邊。

又是一間好IGable的咖啡室，門口的大花花牆是『景點』，好似不在這位置打過卡，就等於沒來過的樣子，但其實吧枱位我覺得都幾靚。

一喜食堂 - 日本小店風情

食物：$$$
環境：$$$$
服務：$$$$ 

在英國讀書期間，曾經有位朋友，獨食之時九成會吃老麥，獎勵自己既時候就會幫襯漢堡王，外人睇到好淒慘，但佢自己不知幾enjoy。

筆者都喜歡一個人食飯，但絕對無佢咁誇張，我獨食多半嘆茶記，想吃好一點的話，會惠顧日式拉麵店。

是日試下朋友推介既一喜食堂，聽說拉麵連小食再加飲品，一舊水有找，非常划算。

店子不足十個座位，但佈置風格，蠻有日本拉麵小店的感覺，環境倒是幾吸引我。

迷你毛 - 週日半天假

食物：$$$1/2
環境：$$$$
服務：$$$$ 

週日，半天工作，之後捉朋友去咖啡室吃午餐鬆一鬆。

揀深水埗，因為有大把咖啡廳，總有一間係左近。而呢間迷你毛，剛巧唔使等位。

每間Cafe都有打卡位，呢度當然唔會例外，影相位正正在門口，好多『女神』擺晒甫士影呀影，唔知佢哋呃到幾多Like呢？

我還是一心選食物好了。既想食扒，又想吃意粉，朋友對窩夫滿有興趣，甜品似乎不可不吃...

挑了班尼廸窩夫，皆因Benedict感覺比較有假日feel。破開雞蛋是流心，可是三文魚有欠油潤，牛油果未夠熟，窩夫並不脆口，與預期中的水準，大有出入。

Bonding Coffee - 手沖比較好

食物：$$$1/2
環境：$$$$
服務：$$$$ 

年輕男女，週末節目大多是走訪咖啡室。不過，人人蒲Cafe，唔通人人都鍾意嘆咖啡咩，許多只是為了打卡而已。

我嘛，相會影卡會打，只係我亦真心喜歡飲咖啡的。

食完中午，咖啡癮又起，捉埋同是咖啡迷的朋友們去Cafe打躉。

家後 - 湯餃、芝士蛋糕俱不錯

食物：$$$$
環境：$$$
服務：$$$$ 

大南街的美味餃子店，標榜自家包製餃子，與及無味精靚湯底，在太子雄霸了多年 (中間有搬過舖，但都在附近)。

呢兩年，一方獨大的情況有變，皆因在基隆街出現了勁敵，名字叫家後，同樣是主打手工餃子，同埋靚湯底粉麵，仲要加多瓣自家製甜品。

經過幾次家後，人龍不比美味餃子店遜色，令最怕排隊既筆者大打退堂鼓。

1968 Bistro - 交到功課

食物：$$$1/2
環境：$$$1/2
服務：$$$1/2 

正午十二時左右，蕃茄師兄與蘇媽蘇媽門外企滿支持者，估計等半粒鐘是最低消費，唯有打退堂鼓。

走過隔離街，可以揀食蛋牛治，或者另一間馬拉餐廳，但見到有家新餐廳，叫1968 Bistro，門面似乎幾吸引。

再瞄一瞄門口既餐牌，午餐五十八蚊起，不如俾次機會佢?!

白布烏冬 - 似餃子皮

食物：$$$1/2
環境：$$$$
服務：$$$1/2 

在金所吃完拳之牡蠣，頗為滿意，又屎忽痕想試埋拉麵陳的另一傑作，白布烏冬。

說起來慚愧，作為老饕，對於日本群馬縣的名物，方形像布匹之烏冬，筆者是從沒見識過。