食物：$$$$
環境：$$$1/2
服務：$$$$
幫襯左家後多年，但一街之隔的分店家後2.0，我卻一次也沒有踏足過，趁同老豆出深水埗買嘢兼搵食，不如就來試一試?
印象中總店在中午時份定必大排長龍，但我哋十二點半左右去到分店，不單唔使等，仲可以揀位，估唔到只是相距咁短路程，會有如此明顯既分別。
雖然這裡有飯供應，不過既然來到，也都是吃餃子同埋芝士蛋糕架啦！店家的菜甫，辣度幾強勁，我勉強接受得了。
這次湯餃及煎餃都有點上。湯餃是韭菜豬肉餃，皮算薄，餡料也香，但最重要還是湯底，大家見到有豬骨和紅蘿蔔在內嗎? 就是那家常的味道，加分。以往吃煎餃，定必會要韭菜豬肉餡，但自從上次試過老闆介紹的洋蔥豬肉餃後，便移情別戀，今云的雙拼，也是洋蔥豬肉，以及新品小籠包餃。餃子煎得香口微脆，前者爽甜、層次豐富，小籠包餃即是多湯汁的豬肉餃子，味道都好，但要比拼兩款，我仍是較喜歡洋蔥豬肉餃。相信大家都知道，店家的另一名物，正是芝士蛋糕。曾經嚐過原味及開心果味，今趟就試試柚子芝士蛋糕，仍做到面頭及邊位帶焦香，中間軟心，但柚子味道比較清怡，我還是覺得原味好。加六蚊有豆漿，冷熱同價，來一杯也無妨。記住舖頭休例二，唔好摸門釘呀~
餐廳資料:
家後2.0
深水埗汝州街131號地舖
67007754
沒有留言:
張貼留言