火蓮花 - 鮮味浪接浪!

食物：$$$$
環境：$$$$
服務：$$$$

臨近中秋，相約幾位朋友食餐飯聚一聚。

做節又唔一定要食中菜既，大家圍埋食餐日本嘢，同樣可以。

來的是沙田帝逸酒店頂樓的日本餐廳，前身係叫源峰，搖身一變成為今天的火蓮花。

人齊過節不妨飲番杯，喝什麼由店長推介，起初以為佢會介紹日本清酒，估唔到拿來一枝意大利汽酒，清爽夠汽，我幾喜歡。

幾款漬物如牛蒡、大根及蒜頭，配手中的汽酒一流。

每人兩隻生蠔，分別係法國及澳洲的代表，個人素來對澳洲Coffin Bay情有獨鍾，裙邊爽口，肉身豐厚又綿滑，好吃。

爽身的澗八，我至愛的赤身與中拖羅，火炙過香口的帆立貝，以及爆羔的牡丹蝦，湊成了豐盛又吸引的刺身拼盤。

接下來就是一系列的表演項目，打頭陣有甲羅燒。

香軟有層次，絕不死咸的甲羅燒，配上多士與紫菜兩種食法，各有特色，我都鍾意。

燒活龍蝦是用上加拿大的波龍，質素自然不用置疑，再加上恰到好處的火候，香氣四溢，肉質鮮甜又細嫩，好耐無食到如此高水準的出品了。

吃至此刻，已飽得七七八八，但隨之而來的，係和牛壽喜燒 (不吃牛的朋友就是豚肉鍋)，作為食肉獸既我又真係無辦法抗拒。入口溶化的牛肉，結合甜美的壽喜燒汁，再伴以冬菇、洋蔥及豆腐等，被我一口氣吃清。

雞肉釜飯，令飽到上心口既我都嚐了半碗。

再以時令的水果作結，滿足！

原來唔覺唔覺，就食左三粒幾鐘，歡樂既時間過得真係快~

餐廳資料:
火蓮花
沙田源康街1號帝逸酒店28樓
26330881 / 92387129 (WhatsApp)