食物：$$$$
環境：$$$$1/2
服務：$$$1/2
近期打開IG，應該都會被這幅燈籠牆洗版。
是的，這就是圓方新開的越南菜館Bistro Hoi An (其實有店係屯門黃金海岸)。
木系既主題色調，結合千百個燈籠吊飾，加埋特色璧畫，完全就是最會安最美的一面直接帶來香港。呢度既環境氛圍，滿分！先來幾款頭盤，越式生蝦刺身賣相如藝術品，配上酸辣醒胃的柑桔魚露汁，有個好開始。越式法包，我哋揀左雞肉餡。佢包身屬軟熟而非脆口的版本，加上漬蘿蔔絲及雞肉等，最好是做成迷你份量，讓大家可試更多。烤椰菜花，其貌不揚，但混合埋肉鬆，絕對是實而不華的好東西。再來的越式炒田雞腿，用上的是蠻大隻的田雞腿，啖啖肉，沾埋惹味既汁醬，有驚喜。剛才說烤椰菜花是實而不華之作，其實咖喱軟殼蟹都是，香脆的軟殼蟹固然好吃，個人認為咖喱汁才是重點，有層次而不太辣，合心。要數全晚我最喜歡的，大概要說是香茅椰糖烤三黃雞，香茅、椰糖、青檸葉醃製，夠晒入味又有特色，即使我挑雞胸來吃，也十分嫩滑。喜歡的話，沾點汁醬，又是另一番滋味。會安烤乳豬的份量很大，拿起真可以完全覆蓋臉子，外皮清脆，肉質嫩滑有汁，建議來些士拉差海鮮醬，成件事更上一層樓。
要來了幾款甜品，最喜歡還是affogato。慢慢將咖啡注入雪糕的過程，看見也是治癒。而呢個組合，亦沒有不好吃的可能。
來到當然也不可錯過特色越南咖啡，酒迷亦可選擇充滿越南色彩的Cocktail或者Gin酒，相信會令大家滿意。餐廳資料:
Bistro Hoi An
尖沙咀柯士甸道西1號ELEMENTS圓方金區演薈廣場3樓&頂樓R002-003號舖
25650055
沒有留言:
張貼留言