食物：$$$$
環境：$$$1/2
服務：$$$$
甚少在Food Court 搵食，但睇到有人推介呢間魚事者好吸引，於是這天與朋友兩人大鄉里出城咁去左希慎的美食廣場，吃這間米芝蓮必比登推介的小店。
店名叫魚事者，顧名思義就是以魚為主打，睇餐牌又魚烏冬又魚麵，仲有咩炸魚無薯條，與及焦糖魚米布甸等，真心佩服團隊既創作力量同幻想。
飢腸轆轆，兩條友竟然點上一大堆嘢食，當中包括了兩款店家五周年新推出的麵食。北海道海膽魚烏冬撈，魚烏冬質感細滑，將之撈埋新鮮北海道海膽及汁醬同吃，甘香順滑，好有驚喜。
另一款係陳皮檸檬叉燒炒魚麵，又係聽到都覺得有趣的麵食。以陳皮醃料來醃製叉燒，味道蠻特別的，不過個人認為重點在於魚麵之上，香口又彈牙，再加埋櫻花蝦去增添口感，與剛才的北海道海膽魚烏冬撈各有千秋。兩款麵食都可於11月24日前品嚐到。
之後係一連串既小食。其中我最有興趣的新品，扮墨西哥魚皮，其實即是將炸魚皮配上番茄粒、洋蔥以及牛油果醬等，做成像墨西哥Nachos般，估唔到又幾夾，清新醒胃。魚肉燒賣，可揀原味式者芫茜味，我倆都不是茜人，要原味即可。燒賣煙韌，但重點落在辣醬之上，因為又係以魚來製作，辣勁之餘亦帶咸香，令這份魚肉燒賣頓時升偵十倍。爽辣萵筍豬肉魚皮餃子，在傳統的魚皮餃之中加入清爽的萵筍及惹味的藤椒，口感豐富，成件事好清新。炸魚無薯條是店家的招牌小食之一，呢份「薯條」絕無薯仔，只有魚肉，口感煙韌，好有趣。有多款醬汁配搭，包括出推出既士拉差醬，不過我哋就揀左松露醬。又咁講，其實薯條只要新鮮炸起，配咩醬都會好食喇。飲品我要了波波檸檬茶，朋友就飲陳皮檸檬，兩款都交到功課。
最後都食埋甜品，以焦糖魚米布甸作結。據聞是繼承餐廳招牌「Fishotto魚米粒粒」的創意，在傳統的焦糖布甸上混入魚米，吃起來有丁點像西米的感覺，連甜點都玩埋，抵佢連續三年拎到米芝蓮推介。
10月13 - 26日有限時七五折優惠，消費滿二百再追蹤埋佢哋IG，更可獲贈魚面人吊飾。
餐廳資料:
魚事者
銅鑼灣軒尼詩道500號希慎廣場11樓1102號舖
63832683
沒有留言:
張貼留言