泰基隆泰北面 - 泰值得支持的新店

食物：$$$1/2
環境：$$$1/2
服務：$$$$ 

一雞死，一雞鳴，呢個說話尤其適用於餐飲行業。

深水埗一鵞嗰個位，開了泰基隆茶餐廳的分店，但既不是茶記，亦唔係食燒鵝，而是主打泰北麵。

餐廳在五一前營業，與其總店相同，是間值得支持的良心店。

地方不大，沒有豪裝，擺放些泰式的擺設，突顯餐廳個性。

選了家鄉麵B餐，要河粉，配料有魚蛋、豬紅、鳳爪及半生熟蛋。另加一客小食，餐飲轉凍奶茶。

湯頭像是在泰國嚐到的味道，很濃郁，但吃完會有口渴之感。魚蛋彈牙，豬紅起碼唔怕腥，以為鳳爪是去了骨，原來是我想多了。不過，最唔對辦係半熟蛋，跟本是百分百全熟。

小食是泰式蝦膠皮蛋，個人在本地的泰國菜館試過好幾次，總覺得是東南亞版本的Scotch Egg。皮蛋算不上優質，但外層鬆脆又彈牙，沾埋醒胃的甜酸醬，還是不錯吃的。

奶茶是泰式的，好夠甜。

下午兩點幾埋單，步出門口，看見對面的人氣店蘇媽蘇媽，與及蕃茄師兄，仍是排到天荒地老。

餐廳資料:
泰基隆泰北面
深水埗基隆街228號地舖
25599445