帝京酒店的獅房菜經常會更換主題，廚師團隊今期帶大定味蕾遊走亞洲不同城市。
九道菜，由星馬泰食到去日韓，轉眼間又回到越南和汶萊，再飛到菲律賓及印尼等地，實在令人期待。
衝頭的三道小食，已經帶出不同口感、味道與風情。脆卜卜的河內春卷，以豬絞肉、菇絲與甘筍絲等作為餡料，一口一件，香口嘢至岩我。水門海南雞，以慢火烹煮去保持皮爽肉滑，特別之處在於頂頭的豉油啫喱，鹹香晶瑩。韓漬元貝，微辣醇厚，記緊要連埋個脆盞一齊食，精彩！頭盤打開胃口之後，我哋嚟到獅城。虎蝦球預期之中的爽口彈牙，配以獅師經典的參巴醬，辛香惹味。墊底的秋葵、紫洋蔥、茄子與珍珠筍等，令成件事更為豐富有層次。不論什麼主題，湯水自是不可或缺的項目。廚師團隊以日本的刺參為主角，加入日本清酒、乾昆布與海帶，弄出的刺參湯，湯色清澈，帶點點清酒香，喝得舒服。油浸筍殼吃得多，加入青咖哩汁打成輕盈綿密慕絲風汶萊風味，又真係好少機會嚐到。呢件厚肉又香脆的筍殼，已贏左一半，伴以醒胃的汁醬，炎炎夏日最為適合。
牛角酥賣相先聲奪人，口感是想像之中的鬆化，餡料是帶巴東風味的仁當牛，配以紫洋蔥、白菌、沙葛與菜脯等，惹味但又唔會辣，是我喜歡的味道。吃至此時，大家的味蕾或者已開始出現錯亂，師傅以清新的雪葩俾各位清新一下。之後是我的半個主場檳城，亞參喇沙的酸辣惹味湯汁，配香脆的軟殼蟹肯定錯不了，師傅放回經典的喇沙配料，如豆卜、魚腐等，索盡汁醬，自然好味。台灣的文旦柚皮，經繁複的處理，入口軟嫩沒半點苦澀味，搭配椰子肉及咸蛋湯，有趣。接著是菲律賓的家常味道，雞絲奶油冬粉，口感爽身又吸盡奶油湯的精華，估唔到呂宋的家常口味是如斯吸引。馬來西亞勞勿的貓山王，相信大家都不會陌生。師傅將之注入法式燉蛋的靈魂，成為外脆而內裡香滑的貓山王榴蓮法式燉蛋，再以點點的怡保香餅及白咖啡脆脆作點級，是一道有創意又不會犧牲味道的出品。喜歡榴槤既我，甚至覺得這比傳統的法式焦糖燉蛋來得更為吸引。一餐帶你嚐遍亞洲各國的風味，岩晒貪心既我。
餐廳資料:
獅房菜
旺角太子道西193號帝京酒店3樓
26226088
沒有留言:
張貼留言