海外篇：旗津區 - 高雄市的長洲

旗津區，Basically就是『高雄的長洲』。當你步出碼頭，看見那些店舖及腳踏車，便會明白。

理應，租輛單車自由暢快地在島上遊走，感受異國風情。現實是，筆者並唔識踩單車的。

折衷方法，先在旗津老街的小食店盡情吃個夠，再坐小黃入去玩埋睇埋彩虹教堂、巨型貝殼，及風車。

   

第一間幫襯的，係人氣店旗魚昌黑輪。難得一場來到，梗係要試下最多人的啦！兩位店主／員以純熟的手勢包好黑輪，將之放入油鍋......

由於轉流快，成品是新鮮熱辣，非常燙口，吃時要小心，否則變孖潤腸咀，救不了你。

有放上茄汁、辣漿、胡椒粉等調味料，悉隨尊便。然而，個人覺得根本不用添加任何醬料，原汁原味已很好。

再走著，尖螺燒酒螺看似吸引，初次嚐試，小辣即可。味道一般，吃風味而已，試過便是。

酥炸大魷魚，相信也是遊客必吃的東西吧！魷魚的確大過我塊面，我見有人成條拿著咬，但我還是請店員幫我剪開好了。其實對此品沒太大期望，起碼唔會凍冰冰和硬柴柴，比預期中好。

鮪魚糖有得試食，貪心的我試了粒，似曾相識的口感，像兒時吃過的，卻又說不出來...　其後買了一包回去作手信。

跟長洲一樣，旗津老街有唔少海鮮檔，但我就不打算惠顧了，下次有機會吧！

唔覺唔覺，飽到反肚，乘小黃深入深處繼續玩樂。彩虹教堂、貝殼館、風車公園，全都輕易地逗我開心。

是我現在太不快樂嗎？