Supergiant - 奔向月球

食物：$$$1/2

環境：$$$$

服務：$$$$

納悶的日子，什麼都不想做，只希望逃離現實，找個地方歎份Sunday Brunch，消磨幾個鐘頭時間。

早前在fb見朋友大推Mira Moon的新早午餐，話食物唔錯，CP值很高。

筆者其實無乜懷疑，因為已光顧過Mira Moon好多遍，算得上是熟客仔，對其食物質素有大概了解。

究竟有幾抵食？望到個餐牌我真的呆了。連加一也不用三百，已包一杯汽酒或非酒精類飲品；Free Flow香檳Mumm加$240，即使是PJ，Free Flow也只是$250，實在有點不可思議。

    

Amuse Bouche，簡單的吞拿魚蓉鋪在青瓜片上，一口過，清爽開胃。

頭盤有三款，不用選擇。清新的沙律菜混入少許炸豬皮，加埋帶微辣的吞拿魚片，醒胃。新鮮蕃茄蓉脆包與帶子刺身脆片，同樣來得清爽。第三款就是炸太子，要小心吃，因咬落仍是燙口。

可加點錢要魚籽醬，我們都有興趣。Aristocrat Classic Siberian, 屬較細粒的魚籽，不過咸鮮十足，跟手中的香檳，相映成趣。

主菜也是分吃，先來個安格斯肉眼吧！靚牛扒，只要唔弄得過熟，總唔會差得去邊，帶微甜的汁醬有分加。

另一道是西班牙海鮮飯。起初都怕份量會好大(你知Paella架啦!)，問過店員確認了份量才敢點。米飯的口感與味道俱不俗，配以很足料的海鮮，半隻波士頓龍蝦肉質鮮嫩，還有魷魚、青口及蜆等，比剛才的牛扒更合心。

甜品有兩款，唔使揀。鬼佬油炸鬼，入口鬆脆，更欣賞其帶辣勁的朱古力漿，雖不是首次品嚐，依然喜歡。

Cafe Tartelette，撻皮鬆脆，以咖啡味為主導，不過甜，伴以我手中的一杯伯爵茶，剛好！

雖不是經常見面，但大家總有說不完的話題，三小時飛快的過去，又要回到殘酷的現實。

餐廳資料:
Supergiant
銅鑼灣謝斐道388號問月酒店3樓
26438875