椰泰 - 荃灣又多間新泰菜

跟朋友談起，荃灣除了是天橋之城外，也真的有好多泰國餐廳，幾乎每個商場都有一間。

如心二期的一家日本吉豬專門店，結業後又換成泰菜了，就是今次我到訪的椰泰。

差不多十一點半到達，看見店舖剛剛拉起閘，店員很好人，早三分鐘俾我入座，唔使企係門口等。

店家的招牌大大隻字寫住雞飯和船麵，既然是「店自慢」，那就不多想，直接要這兩樣黃金組合吧！

海南雞飯先到，看其色水，及只有一款辣汁醬的配搭，的確是走泰式風情。雞肉還好，皮爽肉不嚡口，但油飯很乾，又唔香，我吃剩一半。

另一招牌的船麵，有豬牛兩款選擇，因同行者不吃牛，所以要了豬肉。

湯頭是夠濃郁的，既有豬肉，亦有肉丸及最重要的炸豬皮。豬皮脆卜卜，可是豬肉好粗嚡，要扣點分數。

飲品分別選了泰式奶茶及檸茶，前者據說是真泰味，反而檸茶就唔係好「泰」。講起泰檸茶，我大愛同區商場海之戀的Kopitiam by Saya，諗起都想噗番杯。

十二點鬆啲，店外開始有人排隊，我都識做唔阻住地球轉，埋單走人。

餐廳資料:
椰泰
荃灣楊屋道8號如心廣場二期1樓116號舖
23048899