Forte - 肉食之夜

食物：$$$1/2

環境：$$$$

服務：$$$$

認識筆者既朋友，都知我係不折不扣的食肉獸，所以今次飯聚，醒目的搞手提議來這裡食斧頭扒，佢深明我一定無法抗拒。

半自助餐形式，主菜之西班牙烤豬以及斧頭扒皆是四人份量，全男班來挑戰這兩份主菜，難度應該唔算太高，我覺得係咁。

之前已寫過幾次，再不用多提餐廳的型格環境，想留我睇番我的舊分享。

 

主角出場前，先吃些冷盤和凍海鮮作熱身，生蠔是即開，蟹腳鮮甜，原來仲有麵包蟹，多好。Cold Cut，沙律等，象徵式好了，我要保留食力。

估唔到佢既壽司又握得幾靚仔，隨手拿了三文魚、吞拿魚和玉子又去，味道比上次來時大有進步。

一晚會有四、五次噹噹聲響，無錯，就是特備節目，是晚包括火焰醉蝦、青口、堂弄卡邦尼等，其中最喜歡是青口，十分惹味。

千呼萬喚，主角的斧頭扒終於登場，巨大是肯定的。席上有朋友唔敢吃太生，只要了Medium，個人認為是稍熟了一點，若然是Medium Rare就無敵了。但其實，近骨的位置，依然相當美味。

順帶一提，呢度有十二款芥末/海鹽給你配牛扒，個人最喜歡伴海鹽同吃。

隨之而來的西班牙烤豬，體型很小，大概就是兩星期左右的BB豬。是殘忍左些少，不過皮脆肉嫩又真的美味，明明嚐了很多斧頭扒的我，也吞下了三件才肯收手。

兩份重量級主菜後，飽到上心口，甜品卻又吞了朱古力泡芙、木糠布甸、芝士蛋糕，同埋黑森林蛋糕，我應該是痴左線了。

結果，兩份主食完全被我們清掉。是夜，完全滿足晒我既『肉望』呀!

餐廳資料:

Forte

官塘創業街38號如心艾朗酒店2樓

3968 8222