潮流服飾篇：收到呢條禮物

前世應該做左唔少好事，身邊朋友對我咁鬼好，收到呢份好正既禮物，又要同大家分享下。

即係咁，有啲嘢，係幾有用，但無左佢又唔會影響生活，自己亦未必會花錢去買，有人送又唔拘。You know what 7 I mean? 我深信，每個人都會有這類小東西。

於我而言，無線耳機是其中之一，有固然型仔，無的話用有線的都唔會死人。終於，在我今年生日，有條友送左呢條嘢俾我。

Wow... 是Soul PrimeWireless耳機!!! 用左之後，發覺真係幾方便，尤其是戴住佢做運動。

先講音質，老實說我無乜研究和要求的，什麼高音甜、中音準、低音勁，我是識條鐵的。不過，又聽得出係幾好聲的。

   

14g機身重量，輕巧型仔固之然，而且操控亦簡單方便。Power On，與及音量的大小調校，一鍵搞掂。

科技低B既我，之前唔知無線耳機係要充電的 (知你想打我，唔好打頭！)，都係USB，電腦充又得,『尿袋』叉亦我，得左！據官方網介紹，耳機是採用Li-ion電池科技，充電後可有高達6小時播放時間，荃灣返柴灣來回都無問題。

仲有一個我好中意既地方，係佢磁石扣的設計，方便收納，唔用時扣係勃子上都唔怕跌，更可以變身成型格頸鍊。

加之，還有不同大小尺寸的耳塞，配合唔同人既耳朵，有心思。

這款耳機，有石榴黑、月光白、玫瑰粉紅，以及翡翠綠四個色。而且跟上靚皮套，連配件都咁型，無話可說。

基本上，呢隻耳機，已成為我生活既一部份，真心多謝～

係官方網Cap左張靚Model配戴這耳機既相片，我係咪巧細心先？！(笑)