迷你毛 - 週日半天假

食物：$$$1/2
環境：$$$$
服務：$$$$ 

週日，半天工作，之後捉朋友去咖啡室吃午餐鬆一鬆。

揀深水埗，因為有大把咖啡廳，總有一間係左近。而呢間迷你毛，剛巧唔使等位。

每間Cafe都有打卡位，呢度當然唔會例外，影相位正正在門口，好多『女神』擺晒甫士影呀影，唔知佢哋呃到幾多Like呢？

我還是一心選食物好了。既想食扒，又想吃意粉，朋友對窩夫滿有興趣，甜品似乎不可不吃...

挑了班尼廸窩夫，皆因Benedict感覺比較有假日feel。破開雞蛋是流心，可是三文魚有欠油潤，牛油果未夠熟，窩夫並不脆口，與預期中的水準，大有出入。

相比之下，Pasta要好一些。選來的這款貓耳朵，口感蠻不錯，而且散發陣陣菌香，比起坊間唔少咖啡室軟爬爬的意粉，要好吃得多。

提拉米蘇那圓碌碌的賣相幾有趣，Mascarpone Cheese成份蠻多，吃起來算幼滑，也充滿濃郁的咖啡酒香，與市面嚐到的出品稍有分別，但都是不錯吃的。

沒有Flat White，就要杯Latte，一天不能沒有咖啡，大概已經成了癮。

可惜，杯咖啡我唔太識欣賞。

深水埗大大話話有幾十間咖啡店，下次又會去邊一家呢?

隨緣吧~

餐廳資料:
迷你毛
深水埗鴨寮街121-123號地舖