食物：$$$$
環境：$$$$
服務：$$$$
家陣香港既市道，相信不用我多說。然而，週五晚上，中環的Cornerstone，仍要分兩輪，同埋係坐滿，可以算是奇葩。
翻閱餐牌，晚餐的價錢的確像時光倒流，消費降級既筆者都覺得有點誇張。
即管睇睇佢有無將貨就價~
頭盤的日本番茄沙拉，賣相幾靚仔，鷹咀豆茸之上鋪上青瓜、番茄及火箭菜等，吃起來幾清新，尤其喜歡鷹咀豆茸，非常細滑。另一款頭盤係烤黃鰭吞拿魚，以番茄、手指檸檬及青椒仔等襯托著吞拿，清爽之中帶點微辣，吞拿魚既口感幾好，滿意。
主菜分別選了意粉，與及油封鴨腿，大定分甘同味。芝味濃郁，意粉質感好彈牙，正合我意，再加上蒜香，同埋薄而脆口的磨菇片，感覺其實有幾分似Carbonara。至於油封鴨腿，勝在火候控制，好多時會吃到又乾又硬的出品，呢度就完全無問題，皮香肉嫩，味噌芹菜頭醬又做得惹味，令成件事更上一層樓。旁邊同樣有細滑既鷹咀豆茸，我俩都沒有錯過。甜品之一，係香草米布丁，配以Crumble、蘱果肉及提子乾等，蠻有聖誕氣氛的一道甜點。另外就係澳洲名物，椰子林明頓蛋糕。質感與坊間嚐到的有所不同，入口煙韌，椰子朱古力味道濃郁，好食喎！唯一缺點，係對面枱飲大兩杯，大呼小叫，嘈喧巴閉！
我明既，香港人生活壓力大，難得有地方放鬆，係要盡情啲。
沒有留言:
張貼留言