邊敘邊醉 - 優質邊邊

食物：$$$$
環境：$$$$
服務：$$$$ 

與K小姐飯聚，話題總離不開飲飲食食，畢竟我哋以吃喝玩樂為人生終極目標既人。

講開深水埗既美食，佢推介該區一個打邊爐既好地方，我即時牢記於心，決定在週末就去烚下烚下。

火鍋店位處深水埗與南昌站中間，都幾吊腳，但絕對唔會影響到我到訪既意慾。

兩層的店子，裝修光猛企理，不乏打卡位，第一印象唔錯。

甫坐低，就來打邊邊的指定動作，混醬！我份人好簡單，生蒜與豉油即可。

湯底揀左店員推薦既啤酒胡椒豬肚雞湯。滾佢一陣，店員會倒入半罐啤酒，再滾多滾。呷口湯，既有淡淡的酒味，本身胡椒豬肚湯的味道仍不俗。湯內有唔少爽脆的豬肚，同埋半隻雞，都幾多嘢食的。

香港人打邊爐唔可以無牛，呢度都有好幾款的選擇，我是毫不猶豫地說要騸牯牛。係牛頸脊的位置，入口軟腍，不失肉香，質素幾好。

桶蠔稱不上超巨，至少隻隻飽滿，入口幾有鮮味，

海蝦有八隻，同樣是十分新鮮，蝦肉爽彈鮮甜，蝦頭位置尤其甜美。每人四隻，滿足到極。

蘿蔔要淥比較長時間，但只要滾得夠腍身，其甜味亦很出眾。

最後食啲菜去平衡下，心理上會好過些。

大熱天時食火鍋，雖然店家開衡冷氣，不過點都要有罐可樂，才夠圓滿！

餐廳資料:
邊敘邊醉
深水埗海壇街205號地下A號舖及1樓
63535519