金豪酒家 - 地道嘢

食物：$$$$
環境：$$$$
服務：$$$$

轉眼間便一個月，老友又去回去英國，臨走前的飯聚，大家決定吃得地道些。

選了幾間深水埗的食店/大牌檔，最終主角拍板，來金豪酒家。

說是酒家，其實大概是入了舖的「大排檔」，主打的都是鑊氣嘢。

是晚吃什麼，全由主角話事。先來琥珀合桃，五星級酒店會跟上的小食，來到這地方就要單點，鬆脆沒油益味，送啤酒一流。

乳鴿兩隻，說很驚艷又不是，至少是新鮮炸起熱呼呼，皮脆肉嫩有汁，如果胃口夠大，一人一隻免切仲過癮。

避風塘炒賴尿蝦是這裡的名物之一，賴尿蝦已剥左殼，吃時更方便。大量的炸蒜很惹味，但就是完全唔辣，不嗜辣的朋友都可大快朵頤。

另一道佐酒佳品，係金沙蝦球。大大隻的虎蝦披上黃金聖衣，入口爽彈，咸香好味，愈邪惡愈快樂，忍不住一隻又一隻吞下去，大叫膽固醇萬歲。

西蘭花炒花枝，唔算特別健康，起碼叫做有食過蔬菜。

最後來碟豉油皇炒麵，都幾爽口，唯一係油左少少，不過來得呢類地方，都無乜所謂。

啤酒汽水一大堆，是理所當然的，畢竟都是最後晚餐，下次唔知幾時/係邊度再見~

放心，我哋都係適可而止，唔會飲醉的。

餐廳資料:
金豪酒家
深水埗青山道17號地舖
27256806
95410413 (Whatsapp)