奔之食堂 - 自私食下午茶

食物：$$$$
環境：$$$$
服務：$$$$ 

最近發現了一個自私食下午茶的好地方，呢兩個星期，我食左三次。

是位於尖沙咀力寶太陽廣場台灣餐廳，奔之食堂，餐廳其中一位老闆，係藝人龍小菌。

這裡的環境十分光猛舒服，有種台式老店的風格，現時沒有遊客，兩點半後人流不多，可以清清靜靜的享受獨處時光，當自己飛了台灣一轉。

吃過不同款式的飯，覺得水準不俗，嘉義雞肉飯，肉質嫩滑，沒有杰撻撻的芡汁，加上採肉圓潤的日本米，合我心水。下午茶的份量確是比較少，如果你打算慳錢等兩點半後鐘當午餐，就不要來這兒了。

雞飯合意，犇之鹵肉飯亦不遜色。肥瘦均稱的五花肉甘香，送來自然一流，再係果句，尤其配上日本米飯。半隻鹵蛋，我當是Bonus。

估唔到台式食店，也會有點心供應，而且做得有版有眼。下午茶可揀兩款點心，其中燒賣飽滿企身，豬肉餡偏多也正合我意，面頭加一丁點海膽作點綴，多一份新意。

又挑了鮮竹卷，軟腍而不韌的外皮，包裹著蝦肉、豬肉及冬菇等餡料，口感很好，又夠入味，拍得上酒家的水準有突。

下午茶餐有包基本的飲品，特飲就加少少錢，沒嚐過台式的珍珠奶茶，反而每次都是飲港式奶茶，一來唔使加錢，二來當是提神之用 (雖然唔會有效)。

應該，我仲會來第四五六七次...

餐廳資料:
奔之食堂
尖沙咀廣東道28號力寶太陽廣場LG樓LG07-08號舖
26686638