Ulivo Italian Restaurant & Bar - 靜靜地享受美食

食物：$$$$
環境：$$$$
服務：$$$$ 

想找個地方静靜地同朋友吃餐飯，而且嘢食要有水準?

我諗到一個地方喎，就係位於官塘海濱滙既意大利餐廳Ulivo。

呢晚我哋食左好幾樣嘢都唔錯，係度簡單介紹下。

頭盤之一既巴馬火腿Burrata Cheese，呢款經典既意式前菜，細滑帶奶香的Burrata與色彩繽紛的番茄從來是好拍檔，連埋咸香軟熟的巴馬火腿吃，是穩陣不過的開始。

之後的白酒煮蜆，蜆肉隻隻鮮甜，最緊要夾埋蒜片一齊食，生色不少。白酒汁醬亦同樣做得好，以餐前麵包來伴之，岩晒。

最後的前菜，Beef Carpaccio，沒有過多調味，簡簡單單的吃出原味道，跟上芝士及火箭菜也就是好。

大蝦Linguine，巨大的蝦爽又彈牙，是亮點，意粉只是陪襯。

與之相反，牛面頰濶條麵，主角就是有咬口的濶麵，我覺得唔使餸單食麵條都掂。

全晚最矚目的，毫無疑問就係超巨型的斧頭扒。用上的是澳洲M7和牛，看切開的色澤就知火候拿捏沒有錯，入口軟嫩，帶脂香，近骨的位置當然更為精彩。旁邊會跟上一小碟海鹽，自行灑一點下去，味道更出色。

甜品正是蘋果金寶，口感不俗，跟上雪糕吃，是合格有餘之出品。

餐廳資料:
Ulivo Italian Restaurant & Bar
觀塘海濱道77號海濱匯1樓9-10號舖
97287166