Nina Patisserie - 春之醇茶

食物：$$$1/2
環境：$$$$
服務：$$$1/2 

平日工作忙碌，唔知大家放假會唔會閒情逸緻去嘆個三層架下午茶呢? 坊間有好多地方供應Afternoon Tea，不過今日我哋介紹既下午茶，叫做Spring in Japan Tea- Infused Afternoon Tea Set，係咪好岩超掛住日本既你呢?

呢款下午茶，可以係荃灣如心酒店和中環街市的I-O-N 品嚐到，我就同朋友去左荃灣如心食啦！

事不宜遲，即刻睇睇個下午茶既內容先。最頂層放上Scone，中間嗰層係咸食，最低下就是甜點。

由兩款英式鬆餅講起，分別有原味同埋抹茶口味，均做得鬆脆，唔會硬轟轟，塗上Clotted Cream，杏桃果占及士多啤梨果占，唔錯。

中間的四款咸食，分別有茶葉蛋沙律及車厘茄撻、香脆蟹肉沙律配牛油果醬多士，茶燻雞墨西哥卷，及自家製玄米茶豆腐。其中牛油果多士口感豐富。而我最愛的，就是墨西哥卷，微辣，好開胃。

最期待甜點，焙茶紫薯法式栗子蛋糕最吸睛，但我更欣賞綠色那件宇治抹茶柚子歌劇院蛋糕，同埋焙茶黑糖麻薯栗子卷，鬆軟香甜，可口。

下午茶套餐會包兩杯飲品，好友揀Americano，而我就來杯Latte。

美美的拉花，入口順喉，有水準。題外話，呢度單買杯咖啡都好抵飲，價錢比起連鎖咖啡店更便宜。

餐廳資料:
Nina Patisserie
荃灣楊屋道8號荃灣西如心酒店地下大堂
53305315