強記美食 - 入了舖

食物：$$$1/2
環境：$$$1/2
服務：$$$$ 

今日好想同大家去食啲地道嘢，譬如說是糯米飯、碗仔翅等...

講起糯米飯，我最掛住係灣仔既強記美食，以前加班至半夜，最中意來外賣兜糯米飯返公司醫肚，有時仲會加碗喳咋。

昔日既強記，只是一個以外賣為主的小檔口仔，若然想坐低食的話，也可，店主會開張摺枱俾你坐街邊吃，蠻有風味的。

幾十年都係外賣檔，忽然一天，發現佢入左舖，地點就在轉個彎的附近。

店舖沒有大裝修，只是把連續幾年的米芝蓮推介街頭小吃的榮譽帶過來。

急不及待來一碗糯米飯，可以加鴛鴦腸，不過是日的我卻只加了潤腸。糯米飯是有點硬，上色唔均勻，與昔日最高峰時期相比，是有所不及，慶幸我加了潤腸，那甘香味道挽回了不少分數。

見餐牌有魚肉碗仔翅，即來一碗，懷緬下兒時的味道。木耳絲、冬菇、雞肉絲及魚肉等材料一應俱全，是豐富的，然而味道略為淡口，如可下點麻油進去，相信會好吃得多。

再要多份燒賣，街頭小食供應的當然有別於酒樓的出品，只是魚肉燒賣，但就是我喜歡的兒時味道。可惜，這幾粒魚肉燒賣，太粉了，嚴重影響了口感。

太飽了，沒有品嚐馳名的喳咋，不過糖水呢家嘢，都係夜晚才吃會比較岩feel~

餐廳資料:
強記美食
灣仔駱克道406號地舖
25725207