The Pantry - 輕鬆收風

食物：$$$1/2
環境：$$$$
服務：$$$$ 

抗疫疲勞了，決定相約舊同事聚一聚兼收風，順便抖下氣。

心水清既朋友或者會記得，呢間The Pantry，以前正是在圓方，戲院旁邊那家Pancake很出名的店子。

搬左過嚟都有好一陣子，但我從沒試過再訪這品牌，就捉緊今次的機會吧！

早一點來，避開繁忙時間，結果幾乎包場，其實成個商場都係冷冷清清喇。

是日餐湯為南瓜湯，不太合心水，要份沙律仲好。菜蔬大致新鮮，結合醋既酸香，幾開胃，而且還少有地加入了菠蘿，當是健康一下也好。

大家都是選吃意粉，明太子吉列蝦意粉是其一，像卡邦尼的出品衰極有個譜，吃起來幾Creamy，只是兩隻吉列蝦實在太乾，拉低了分數。

青口墨汁意大利麵，吃時沒有變烏咀狗，大概即是墨汁麵是現成來貨，只配上蕃茄醬便出餐。這麵條的口感明顯比剛才的要硬身得多，卻又唔係爽口，個人唔太識欣賞。青口份量則唔少，但水準同樣未見驚喜，個別裙邊位甚至很韌。

舊同事麻麻地食甜，憑我一己之力實在難以獨吞整份招牌班戟，還是留待下次吧，飲埋杯咖啡埋單走人。

餐廳資料:
The Pantry
旺角太子道西193號MOKO新世紀廣場4樓436-438號舖
29555662