Paul Lafayet - 被遺忘的優質甜點

食物：$$$$
環境：$$$$
服務：$$$$ 

Paul Lafayet，是較早期出現的高級甜點店，當年真係好巴閉。

只是近年實在太多太多的甜品店，本土派、過江猛龍，令這品牌的風頭漸漸地被掩蓋。

然而，『老佛爺』的水準，從來沒有下降，至少我是這樣覺得。

經過K11，不如又買幾件甜點返屋企，同家人分甘同味?

焦糖燉蛋肯定唔少得，店員會即時幫忙以火槍燒脆表面，香氣頓時四溢。

店員提醒，半小時內要吃，否則焦糖面就唔脆。

乖乖的半粒鐘返到屋企，影完相即刻食。很香很香，焦糖面清脆，底下的燉蛋細滑，富蛋香，仍是我心目中最出色的Creme Brulee。

另一件係蛋糕，柚子香橙芒果蛋糕，不難猜，就是清新系列。味道以柚子及芒果為主導，反而橙香不突出，但這種酸酸甜甜的甜點，我從來受落。

最後是提拉米蘇，濕潤又有咖啡酒香，同樣有水準。

想吃就吃，及時行樂，是我現在的生活態度，尤其在今天的香港......

餐廳資料:

Paul Lafayet

尖沙咀河內道18號K11購物藝術館G23舖

3586 9621/ 3586 9631