尚青商號 - 不用排隊

食物：$$$1/2
環境：$$$1/2
服務：$$$$ 

久聞尚青商號的大名，只是要我排大隊去吃一頓台灣菜，免了。

據知這品牌在荃灣開了分店，仲要唔使排隊，咁又唔同咁講法，如果是堅料的話，可以一試。

平日約十二點來到，全場空無一人，店員檢查完我嘟左安心，任由筆者自己揀位坐，完全是預期之外的狀態。

反觀隔離的光榮，條人龍打晒蛇餅。

諗掂食乜，自己QR Code落單，其實好方便，又唔使煩到人。若你唔識用智能手機點餐，餐廳沒有Whatsapp熱線教你，但店員會代勞。

柯打任何主食，會跟上兩小碟，是日係漬蘿蔔及涼拌木耳，個人對爽脆醒胃的白蘿蔔較有好感。主食之香菇雞魯肉飯，有帶肥的豬肉丁，香菇還好，然而混入的小量雞肉，對整件事沒有幫忙，存在與否，無關痛癢。反而，半隻溏心蛋，成為了亮點。

對高雄的控肉刈包一直念念不忘，這份出品，雖然有齊腩肉、酸菜、糖及芫茜，但質感始終未算很軟熟，腩肉也不及邪惡，似當地的綜合刈包多一些。

由於魯肉飯的雞蛋太誘人，所以又追加了一隻溏心鹵蛋。

依然做到應有的效果，香甜好吃，水準好一致。

復刻奶茶，幾滑幾有茶香的，不過堅甜，就連我都覺得好鬼甜。

十二點半鬆啲，開始有幾枱客~

睇朋友的食評，無耐前仲唔使加一，不過依家就要了。

餐廳資料:
尚青商號
荃灣兆和街16號和盛樓地下5號舖
37973800