Cocolo Tokyo Cake Factory - 招牌青森蘋果批

食物：$$$1/2
環境：$$$1/2
服務：$$$$ 

對上一次打算入西貢，是五年前，當時獲邀到某西餐廳試菜，可惜因交通問題，在銅鑼灣等左成粒鐘都無小巴，無奈放棄。

之後再沒意圖入西貢。

五年後的今日，難得踏足這個地方，作為咖啡愛好者既我，幾歹搵間Cafe坐底hea下。

事前沒做功課，見到這家日系咖啡室，不理好醜，推門進去。

除了一系列的日式甜點外，還有這兒最搶手的青森蘋果批。說起這款蘋果批，會勾起大家在Sogo排幾粒鐘的苦況嗎?

到訪的時間剛剛好，蘋果批新鮮焗起，咬一口酥脆熱辣，吉士與帶微酸的青森蘋果粒很合拍，兩者互相輝映，香甜有層次，不錯吃。只會令我想起在日本的幸福美味回憶。

另挑了兩款日系甜點，雙層芝士蛋糕，芝味清新，質感輕怡。Mont Blanc有數款不同口味，甚至有抹茶、草莓，以及三式芝士等，但我始終還原基本步，要栗子口味。細滑而帶有栗子香，合格既。

拿鐵紙杯上沒拉花，感覺是差了一點，味道偏淡口，我又反而嚐到微微的榛子味道，總之唔算好合心。據聞抹茶拿鐵也是中規中矩。

食完再係碼頭附近兜個圈，原來香港Cafe的犯濫情況，早已延伸至西貢。

餐廳資料:
Cocolo Tokyo Cake Factory
西貢海傍街9號地舖
54052275