食物:$$$1/2
環境:$$$1/2
服務:$$$1/2
落狗屎,從荃灣西站走路回家,肯定全身濕透。
拿出電話,check下幾時有巴士,九巴app話我知,要廿多分鐘。
與其在商場漫無目的等時間過 (更加無理由企係巴士站四個幾字卦!),倒不如食埋晚餐,再夾巴士時間仲好。
走到如心廣場二期,見二樓開左間新Cafe,叫山下菓子,人客沒幾多,便走入去進佔卡位位置。店內放了些卡通公仔,茶壺茶杯也是粉色系列,但感覺成間店又不是太Girly,這類去得不夠盡既裝潢,或許解釋了人客不多的理由吧!
晚餐八十八個大洋起,跟一款甜點,但唔跟飲品,我寧願你送杯咖啡/茶俾我好過。選上冬蔭公蜆肉意粉,論賣相是平庸過平庸,然而吃起來酸辣俱備,還滲出香茅等的氣息,頗正宗的冬蔭公味道,加上份量不少的蜆肉,幾有內在美的一道意粉。
甜品可揀蛋糕或者雪糕,就來件拿破崙吧。酥皮是鬆脆的,但略厚,味道大概也是想像之中,不過不失。 加錢要杯咖啡。咖啡杯是中看不中用,好鬼難拎。飛沙走奶的齋啡,在晚上喝,我絕不成問題。
聽你形容碟意粉流口水呢!
回覆刪除估佢唔到
刪除