食物：$$$$
環境：$$$1/2
服務：$$$$
港島太平洋酒店，在地鐵西營盤站未通車前，實在是較為隔涉，我只到訪過一、兩次，水準如何已忘得一乾二淨。
食自助餐的Centre
Street Kitchen，早前翻裝修，據聞除了有新面貌外，水準亦大躍進，識食的朋友大力推介。
既然搭地鐵來咁方便，一於約埋三五朋友，齊來見識下。
Buffet在做馬來西亞及台灣主題美食，正中我下懷，這夜我肯定爆肚而歸。龍蝦蟹腳翡翠螺等凍海鮮，象徵性淺嚐即可，我要留力呀！
由馬拉菜式講起，肉骨茶固然是經典。呷口湯，藥材味作主導，果真充滿馬來風味，加埋鬆化的排骨，再自行配幾粒油炸鬼，意想不到的出色。
串燒雖不是炭烤，但製作認真，燒至帶點燶邊，吃起來更香口，每款都好味道。
炒蘿蔔糕及炒粿條，均是我喜愛的地道美食。尤其欣賞呢度既炒蘿蔔糕，香口惹味，再飽也吞下了三件。
發覺家陣酒店自助餐的海南雞，質素普遍有所提升，這兒的亦不例外。皮爽肉嫩滑，油飯香潤，一如我以往的習慣，簡單配點甜醬油，已非常不錯。
仲有喇沙，麵底都可以揀，我梗係要摻摻。湯底蠻好，豆卜、魚片等索盡湯底精華，正。
論台灣風味，肯定唔少得刈包，包身軟熟，腩肉鬆化，酸菜有效減低肥膩感，好有驚喜。
各式滿載台味的烤香腸要試，甘香的肉燥飯令人不知不覺間吃多了。紅燒牛肉麵更不容錯失。湯底醇厚，滲出微辣，唔講得笑。牛展、牛筋等，全都是香港難得的高水準，必吃。仲有仲有，甘香的肉燥飯，也是不吃會後悔的好東西。
最意料不及，係甜品都咁掂！小朋友最喜歡的必定是棉花糖，我就對斑蘭雞蛋仔推崇備至，新鮮即製，熱呼呼，外脆內軟外，師傅更細心修好邊位，抵讚！
斑蘭芝士撻，以及菠蘿芝士蛋糕，也是我認為值得一試的好東西。
上酒店官網訂枱，最便宜三百五十有交易，難以置信。
餐廳資料:
Centre Street Kitchen
乜咁啱呀！
回覆刪除你地不嬲都約埋一齊山架啦 XD
刪除夾都無咁岩啦~
刪除