海外篇：海洋世界餐廳 Reilly - 與海豚共晉午餐

食物：$$$1/2
環境：$$$$
服務：$$$$

睇完精彩的海豚及海獅表演後，就在樓下的餐廳食午餐。

餐廳的幾光猛，一邊是連著魚池，可邊吃邊近距離看到海豚在游水嬉戲。

在自助餐點機下單後，拿個號，食物及飲料準備好後，就可以出去拎。

飲品竟然有珍珠奶茶，據說與香港的水平差不多。密瓜梳打加雪糕是我的選擇，原來福岡的幾流行呢款密瓜飲料。

老豆的日式咖喱吉列豬扒飯，咖喱汁一如所料是不辣而帶微甜，很好下飯。試了一件吉豬，外鬆脆內鬆化，估唔到呢類樂園餐廳的水準都唔錯喎~

原先呢個蟹棒肉醬意粉是老媽子的，但佢見我食烏冬又轉軑，唯有同佢交換。意粉屬正常發揮，反而頂的的蟹柳幾有驚喜，一絲絲好鮮美。

最終落在老媽子口中的牛蒡牛肉烏冬，佢大讚烏冬滑不溜口，三條牛蒡也沒有很韌，還不俗。

食物蠻不俗，而且價錢比想像中親民，唔會劏客。

食完，繼續探索館內其他海洋生物~

餐廳資料:
海洋世界餐廳 Reilly
18-28 Saitozaki, Higashi Ward, Fukuoka