食物：$$$$
環境：$$$$
服務：$$$1/2
歎下午茶，絕不是女士的專利，像我這位大叔也很喜歡。
到訪過唔少地方吃不同款式的下午茶，其中一處我最常翻兜的，正是帝京酒店的獅房菜。
定期轉換主題，而且每次都帶俾食客無限驚喜，真心佩師廚師既創作力量和幻想。
今期佢哋唔玩英式三層架下午茶，係不是卡通人物主題，而係以中式元素為題的「青花瓷．雅聚下午茶」。呢套下午茶，有咸甜食各四款，以青花瓷藝、傳統樂器及庭院意境為靈感，每一件都猶如藝術品，逐一同大家介紹下。先是汁燒豚肉卷伴生薑醬，肥瘦有致的豬腩肉包裹著蘿蔔條，色彩艷麗，生薑汁醬令成件事更迷人。另一款是將鮮嫩的帶子披上鬆脆既麵包糠，中間還夾著薯仔沙律及伴以醒胃的香芒汁醬去減低油膩感，有層次又零負擔。再嚐麻香雜錦雞丁盞，將嫩滑的雞丁、豆干、紅黃椒炒香，放在脆盞內，再以點到即止的麻香作點綴，香口而不會很麻，即使不能吃麻辣的朋友也大可放心細嚐。甜酸大蝦釀雞蛋呢個組合，實在有新意。雞蛋經過油炸過，口感帶點煙韌，跟甜甜酸酸又爽口的大蝦又夾得來喎！咸食唔錯，甜點就玩得更加細緻。外形像琵琶的紅桑子牛奶朱古力慕絲蛋糕，黑白朱古力琵琶之下，正是酸甜平衡得很好的紅桑子與朱古力慕絲，好睇又好食。造型似足玉葫蘆的，實際是豆腐芝士蛋糕，散發陣陣清幽的豆香。以玻璃瓶盛著的抹茶布甸伴櫻桃酒果凍，師傅將魚池濃縮成為美輪美奐的甜點！宇治抹茶及北海道忌廉作基底，除了栩栩如生的金魚，就連「假山石」都系黑朱古力雕琢而成，實在太令人讚嘆～重點嘛，當然是仙氣十足的「青花瓷」，真身其實是雲呢拿藍莓慕絲蛋糕。雲呢拿慕絲蛋糕之內係藍莓及海綿蛋糕，層次感豐富，以為咁大件以我既食力肯定完成唔到，但開胃既藍莓正好減低飽滯的感覺，我和好友竟然得以清碟，可見呢款甜品，水準有番咁上下。套餐跟的飲品也是花過心思，桂花綠茶梳打也是帶有中式元素，好友既一杯 香橙陳皮蜜，有夠養生。
當然，你都可以揀番飲咖啡或泡茶。
餐廳資料:
獅房菜
旺角太子道西193號帝京酒店3樓
26226088
沒有留言:
張貼留言