食物：$$$1/2
環境：$$$$
服務：$$$$
踏入十二月，各大酒店的自助餐亦增添了節日原素，沙田帝逸酒店亦唔例外。
要添佳節氣氛，最容易最大路的做法就是在甜品之上，所以今篇來個倒敍，由甜食開始講起。
色澤繽紛的節慶甜點包括紅桑子白朱古力心形蛋糕、70% 朱古力杏仁醬棋盤蛋糕、聖試果子餡餅等，全部都好靚，其中我最推介的是百香果伯爵茶啤牌蛋糕，清新的百香果跟甘醇的伯爵茶配搭得天衣無縫，贏盡大家的掌聲。六款的榴槤甜品，簡直是為我這榴槤迷而設。弄得像榴槤外型的慕絲蛋糕，混入唔少果肉的榴槤布甸，以及細滑濃香的奶凍等，都令我無法抗拒。自助餐自然會有雪糕食，相比起各式口味的哈根大師雪糕，榴槤雪糕才是我的至愛。
吃到咁上下時間，聽到叮叮聲響，有什麼特別的東西吃呢? 有理無理跟著人群方向走，原來係抹茶雪糕，還會伴以十勝紅豆蓉，以及小丸子，日式風格突出，味道醇和。熱食方面，也不乏節日傳統美食，燒火雞是必會出現的項目，肉質不會粗嚡，配以酸甜滋味的蔓越莓醬，怎樣也不能走漏吧！另外的慢煮牛肋骨、意式香草烤燒腩卷等，都是值得一嚐的應節美食。好，繼續介紹恆常的自助餐項目，中西日的選擇皆不少，就由中式開始。片皮鴨素來是我喜歡的美食，要讚師傅非常用心，每件鴨都是差不多的形狀大小，好少自助餐會做得如此認真。另外的海南雞飯、辣椒蒜蓉蒸蠔、蒸魚、涼拌青瓜海蜇等，都好受大眾歡迎。而我最欣賞的中式食品，正是蠔皇花膠北菇扒鴨掌，花膠充滿膠質，鴨掌軟腍但唔會散，唔錯唔錯。西式的熱葷既有焗原條三文魚柳、香草燒羊架，亦有人人都會拎既香煎鵝肝，我就毫不客氣食左兩份鵝肝了。日式的磯燒鮑魚、大蝦及各式串燒、天婦羅、壽司刺身，與及冷烏冬，應有盡有，只恨自己的胃納太細。再者，仲有鐵板和牛，睇住師傅即場在鐵板上煎得香香的，邊有可能會難食呀！
一系列的冰鎮海鮮，如麵包蟹、鱈場蟹腳、開邊凍龍蝦及翡翠螺等都不缺，香港人也真愛吃海鮮吧~即開生蠔，已愈來愈少自助餐有得供應了，要好好珍惜。
各樣一點的芝士及Cold Cut，都是我在自助餐必會吃的東西。跟往年一樣，在12月24至26日及31日期間，酒店設有聖誕頌歌/ 聖誕老人到訪等環節。
12月17日前經酒店官網預定指定日子，可享85折優惠~
沒有留言:
張貼留言