華安冰室 - 蜂蜜、川貝、桔梗呢?

食物：$$$1/2

環境：$$$1/2

服務：$$$1/2

華安兩個字，低俗既我諗起周星馳，諗起書僮，仲有唐伯虎。

荃灣的華安冰室，到底老闆喜歡唐伯虎點秋香，還是店主真係叫華安？我不曉得，大家試下Goo唔Google到。

以前的冰室，只賣簡餐，時代唔同左，現在的則與茶記無異，快餐常餐特餐加晚餐，炒幾個小菜都仲得。

   

要份常餐，太陽蛋煎至燶邊，蛋黃蕩漾，午餐肉頗厚身，經煎過，至少是熱的。多士嘛，是烘過的，但可以烘得更香脆。

牛肉豬潤公仔麵，牛肉質感唔怕太假，豬潤雖不像漢發的厚身，不過都爽脆無異味，很新鮮，加上大量的薑蔥絲，蠻不錯。

懶理膽固醇超標，食個菠蘿油先再講。牛油係好大片，包身脆口，但並不是真正的菠蘿包，所以能否稱佢為菠蘿油？兩睇。

這裡找不到由蜂蜜、川貝、桔梗、加上天山雪蓮配製而成 的含笑半步癲。我只飲了杯不需冷藏，也沒有防腐劑的熱奶茶，可惜水準確沒我去慣的幾間茶記好。

佢隔離有間Cafe，與華安屬同一屋簷下，有機會去試試。

餐廳資料:
華安冰室
荃灣沙咀道150-152號地下
26680811