沙田18 - 投奔初夏

食物：$$$$

環境：$$$$

服務：$$$$

沙田18的片皮鴨出名，人人皆知。個人更喜歡其火焰叉燒，配埋邪惡的豬油撈飯，教人念念不忘。

當然仲有佢既甜品，如五糧液雪糕、紅棗貝殼蛋糕等，次次新款，每每有驚喜。

得知餐廳推出了全新既夏日菜色，馬上約齊良朋益友，投奔初夏。

    

夏日炎炎，以爽脆又醒胃的紫蘇醋黑豆拌櫻桃蘿蔔打開胃口，實在恰當。

每次來到，均會喝個湯羹，今次師傅推介的是，八寶生拆魚蓉羹，一款經典的順德湯羹。

木耳絲、甘筍絲、絲瓜絲、腐皮、魚蓉乜乜乜，看得出的足料非常，奶白的湯色是必然，最緊要是湯頭夠熱，始終飲湯或羹，熱度是十分重要的一環。

店員端上來的鮑魚燜雞，散發陣陣茅台香。大家均知道，鮑魚只是矜貴的點綴，墊底的雞件及青紅椒等配料，索晒茅台既精華，才是極品。

再來，又見醋黑豆的蹤影，不過這味是配子薑來炒蝦球。蝦球大隻又爽口，水準無庸置疑，據知子薑亦是師傅自家醃製，爽脆無渣，雖不是什麼高難度動作，卻明白到師傅的堅持。

總不可能少了菜蔬，這裡的蕃薯苗超級幼嫩，加埋像小山丘般澎湃的蟹肉和瑤柱，滿足矣。

單尾的大澳蝦羔帶子炒飯，足料不在話下，炒得乾身又爽口，那股蝦羔的香，教人輕鬆吞下整碗炒飯。

點都要留肚呢度既甜品，今次又有新嘢，包括像平日吃的咸濕嘢的『蜜糖九製檸檬雪糕』、清新又合時的椰子石榴雪葩。

仲有充滿中式風情的黑糖桂圓肉杞子布甸，以及南北杏蜜棗法式燉蛋，統統都好有驚喜，絕不是為創新而創新。

下月朋友生日，不如帶佢來食片皮鴨、火焰叉燒，以及一系列時令菜？

餐廳資料:

沙田18

沙田澤祥街18號沙田凱悅酒店4樓

37237932