好姑娘 - 搞笑的酸辣湯底

食物：$$$

環境：$$$1/2

服務：$$$1/2

天口熱，胃口欠佳，朋友問我想食咩，我都無乜主意，隨便推門入一間餐廳。

茶記格局，但原來快餐常餐特餐只在午市/ 下午茶供應，晚上係得米線或者雞煲，兩個選擇。

兩條友，仲要大熱天時，唔食雞煲了。然而，認識我的朋友大概知道，我是不喜歡吃米線的，但既然已坐下，唔通就咁走番出去咩。

   

挑了碗雞肉豬潤米線，少米線，酸辣。呈黃色的湯頭，好奇怪，我第一次吃酸辣是遇到這個顏色的。

呷啖湯，花生醬味作主導，完全蓋過酸味與辣味，愛麻醬的人應該會鍾意，但叫做酸辣米線就不太稱職。雞肉是連鎖米線店的級數，豬潤反而新鮮爽脆，米線我只循例吃幾口。

朋友不能吃辣，只要碗清湯米線，配料是墨丸與炸腐皮。據知，湯底真是淡而無味，好清。炸腐皮睇樣都唔掂，墨丸相當好些少，起碼唔會吃得一口是粉。

點份蜜椒雞翼，大家些牙食。黑椒的辛辣味其實不重，主要是甜甜的，而且外微脆內嫩，可口。

吃罷米線，倒抽一口熱氣，回到現實世界。

餐廳資料:
好姑娘
荔枝角長沙灣道883號億利工業中心地下1B號舖
34886769