2011年1月27日 星期四

Thai Basil - 泰滿意


食物:$$$$
環境:$$$$
服務:$$$1/2

有些餐廳,是想去吃,但又未係Top Priority,所以往往想了幾年仍未成事,金鐘PP的Thai Basil就是一例。



其實,每次在樓上戲院睇戲,都說要來一嚐,但不是時間緊迫,就是沒有位置,自己平時食飯又不一定諗起呢度,結果幾年都沒來過。直至某日,約朋友在金鐘晚膳,終於有機會來了。



肚子餓,不說太多,單刀直入介紹食物。不,還是先喝點東西,Lychee Ginger名字也挺吸引。急不及待的喝一口,唔太甜,荔枝味亦不會很假,還嚐到少許薑汁,感覺很清新,我今次既選擇沒錯。



吃泰菜,沙律似乎少不了,經常會吃到柚子沙律,今次轉轉口味,要吞拿魚青木瓜沙律。將木瓜刨成絲,配上青豆角、九層塔、檸汁等,味道帶點酸辣,口感清爽,胃口也即時開了。



未幾,青邁小食拼盤亦送上。四款食品,蛇瓜和青瓜爽脆,也適合清味蕾;另兩款分別是窩巴和辣蝦片,兩者均屬香脆,跟豐富層次感的辣肉碎醬汁,是很好的拍擋。兩脆辣兩清爽的夾成為一個拼盤,最為恰當。



在Menu上看到Thai Basil’s Choice,我想應該是廚師推介之類的東東,所以目光亦專注在此欄上。好的,先試老虎蝦黃咖喱,開邊的虎蝦燒香,大大啖咬下去,肉質彈牙,又香口,只嫌稍欠一份鮮味,需要配著黃咖喱去調味。還好,咖喱汁辣度適中,亦不會過咸,夾起來總算對辦。



最後一味,是我要求點的炸軟殼蟹。喜歡香口食物既我,看見賣相靚仔的軟殼蟹,自然是愛不釋手。粉漿厚薄適中,炸得香脆透徹,啖啖肉,我是吃完一隻又一隻的。



這一餐,滿意!吃得興起,當然是又有下場。

餐廳資料:
Thai Basil
金鐘金鐘道88號太古廣場地庫001號舖
2537 4682

沒有留言:

張貼留言