Hooman - 紗廠的新勢力

食物：$$$1/2
環境：$$$$
服務：$$$$

南豐紗廠真係好多Cafe，最近又有新勢力加入，叫做Hooman，即管一嚐。

店子正正在門口的第一家，肯定也就是寵物友善，當日都見到有主人帶著毛孩來，坐在門口位置飲咖啡。

翻開餐牌，百來元的主食，無限飲品，要加一，算不上便宜。或者，你可以加$28轉餐，有餐湯/沙律，飲品及甜點，相對起來較為划算。

白湯勝在夠熱，同埋好Creamy，小小的一碗好易清掉。

今次沒有點意粉，皆因鰻魚大阪燒薄餅似乎更吸引。薄餅送來時，會跟上一個架，但除左打卡之外，我諗唔到有咩其他用途。

呢個薄餅，比起一般的大阪燒更誘人的地方，就是加入了mozzarella cheese，做到拉絲效果。味道都是預期之中，偏甜的大阪燒風味，批邊夠脆口，正常發揮。

跟餐的甜點，非常的骰。芝士蛋糕之上散發出很突出的柚子清香，幾有驚喜，但真係太細件了吧。

Flat White都可以，靜靜呷一口，看著熙來攘往的人潮，就是寫意。

埋單$161，在場內眾多Cafe之言算是很進取了。

餐廳資料:
Hooman
荃灣白田壩街45號南豐紗廠地下G01號舖