金龍 - 港式鐵板

食物：$$$1/2
環境：$$$$
服務： $$$$

荃灣如心廣場最近開左間扮懷舊的港式鐵板餐廳，我有點興趣。

幾中意佢既裝潢，既保留以前港式鐵板的原素，又多一份時尚感覺。我並不反對變革的，但大前題是要平衡得好，咪搞到鬼咁馬六。

我同老豆都係貓仔胃，但又是甜人，與其吃兩個鐵板餐，倒不如只要一個餐，再加兩款甜品，大家些牙食，價錢其實差不多。

主食加廿八個大洋可以轉餐，有餐包餐湯，同埋飲品。餐包不是以前的衛星包，唯勝在夠軟熟，磨菇湯亦好足料。

雖然主食有普通的飯和意粉，但來這裡當然要點鐵板吧！

經典的牛牛形狀鐵板，上桌時店員在席前淋汁，是港式鐵板的重點環節。兩件大大塊又厚身的帶骨豬扒，烤得焦香，肉質軟腍，佐以惹味的蒜茸汁，伴以西蘭花、車厘茄及薯條，沒什麼投訴。份量咁巨，好彩只叫一份分享，否則肯定浪費。

第一份甜品，係雪糕西多士，呢個組合自當穩陣，西多既中芯是有花生醬的板本，來得更加邪惡，但我喜歡。

另一款是招牌的原味梳乎厘，以黑白奶茶杯盛著，幾有特別，但就知道份量並不多。梳乎厘必定要趁熱食，放久了就是塌下，夠熱而且味道不錯，個人認為比剛才的西多士更加吸引。然而，$68這個份量，仲要加一，收費是進取了些少。

熱奶茶不過不失，沒有令我留下太深印象。

入座後店員才說限用餐時間七十五分鐘，不過都足夠既~

餐廳資料:
金龍
荃灣大河道98號如心廣場二期1樓119號舖
21229773