The Lasagna Factory - 果然不錯的千層麵

食物：$$$$
環境：$$$$
服務：$$$$

筆者素來不是主動熱情既人，只有小數身邊朋友，我會同佢哋食飯慶祝生日，這位是其一。

主角的起居及工作，多年來都是在上環西環一帶，完全的十五分鐘生活圈，所以揀地方食飯，佢都選擇在該區。

餐廳名字我比較陌生，但當搜尋一下地址，我就有印象了。呢個位之前幾手都做唔長的。

跟上手一樣，是做意大利菜，但現在來得更Casual，同埋鮮明地以做千層麵為主打，紅白格仔枱布有夠經典，也是我喜歡的。

既然慶祝生日，那就喝一點，每人來杯Prosecco 吧，跟千層麵應該也很夾。

先來份Green Salad，沙律菜、青瓜、紫洋蔥及欖檻等滿滿的一碟，非常健康。各式菜蔬爽甜新鮮，黑醋汁不過酸，恰到好處。

雖然餐牌有唔少食物選擇，而且當晚薄餅更是買一送一，但我倆應該沒有食力應付兩件薄餅，同埋更想試招牌的千層麵，所以還是要了招牌菜式。

千層麵有和牛與及海鮮兩款選擇，始終覺得這食物是配和牛才最經典和匹配。的確，外皮做得很好，每層中間夾雜著和牛肉碎及牛小排的肉絲，後者亦不會嚡口，層次分明。再者，芝士的份量蠻多的，有夠香濃，是我欣賞的口味。

二人的戰鬥力實在太弱，加之千層麵亦十分漏，所以已不能再吃太多，直接跳到甜品環節。

問店員推薦那款甜點，店員堅定地說是提拉米蘇，那就不作仔選。正常好像是會一盤的拿過來，在席前「筆」俾食客，但因為事先要求在碟子上加生日快樂等字句，所以是擺得靚靚仔仔才奉上來。

香甜濕潤的出品，但咖啡酒味稍為薄弱，感覺好家常。

餐廳資料:
The Lasagna Factory
上環荷李活道208號地舖
90780658