Studio Caffeine - 喝咖啡的地方

食物：$$$1/2
環境：$$$
服務：$$$$

朋友，是要見面的。

感謝好友時刻記得我，去完旅行馬上相約俾手信我。

午餐地點就佢方便，依他的建議，近近地來這所Cafe，因為之後佢仲要趕年尾的大Project。

小小的Cafe，裝潢是花過心思，但就無乜座位 (應該話無枱先岩)，被好友稱為坐得好衰既Cafe。飲杯咖啡還可以，但要吃東西就比較狼狽，或者可以選擇立食。

好友對呢度既貝果包情有獨鍾，而我則每次來都是吃意粉，今次一於跟佢試試貝果包。

牛油果醬三文魚貝果據說不錯，我挑的蟹肉蛋沙律貝果，Bagel本身唔會硬轟轟，原來仲有羽衣甘藍在內，味道幾好，而且健康，但就吃得相當狼狽，完全無晒儀態。下次都係食番意粉比較好。

咖啡質素就十分好，Flat White醇和細滑，好友也說黑咖啡滿有果香，一向對咖啡有要求既佢都沒有投訴。

愛喝咖啡的各位，大可考慮來一杯醒神/回魂啡，但如果你追求舒舒服服坐低食餐飯，呢度就唔岩你了。

餐廳資料:
Studio Caffeine
火炭坳背灣街14-24號金豪工業大廈第一座地下B02號舖
28111731