食物：$$$$
環境：$$$$
服務：$$$$
香港人最中意打邊爐，我都唔例外，一年四季，任何時間皆可以去烚烚下。
近期天氣稍涼，更加有藉口同朋友去滾兩滾，有人提議嚟呢間西環老字號火鍋店。
火井呢個名字好像似曾相識，聽朋友說原來就是以前在屈地街的那家，我有點印象了。
最近火井同百年老店蛇王芬聯乘，推出「蛇王湯鍋 - 藥膳龍鳳湯」。火鍋結合蛇既原素，做成湯底，做埋配料，蠻有意思。先講湯底，以水律蛇碌為基底，再加入半隻三黃雞，以及紅棗、淮山、杞子等去作為湯底配料。加點鹽喝口湯，滋補又美味，三黃雞質素也不用懷疑。等候湯底滾起之時，先吃著象拔蚌刺身，爽脆鮮甜。十多年前幾乎每次打邊爐都會吃上此品，只是近年愈來愈小機會碰到，以久違了的加拿大象拔蚌作開端，簡單沾上豉油及日本芥末來吃，已贏左一半印象分。主角的蛇肉，做成蛇王菜肉餃及檸檬葉蛇肉丸，前者皮滑餡料實在，沒半點腥味，但檸檬葉香氣出眾的蛇丸，更能得到大家的歡心。素來喜歡吃香口嘢既我，對椒鹽炸蛇絲肯定沒有抗拒能力，就咁食已很香口，輕輕在蛇湯浸一浸，又是另一番風味。香港人打邊爐不可沒有牛肉，一碟的「牛四寶」，包括特級牛頸脊、牛脷胍、牛肉粒、牛展，一次過滿足多個願望。筆者始終覺得牛頸脊打邊爐最好，而其實牛肉粒口感我都好歡喜。薄薄的牛脷胍，口感也有驚喜。為照顧不吃牛的朋友，也來碟天下第一刀，入口爽彈，依家香港人真係愈食愈刁鑽。識食既朋友，自然會點魚下顎，嫩滑好吃，慢慢地去啜吮，是最高的享受。響聆，就咁食又得，輕輕在湯內拖一拖才吃更好，記緊要沾上店家自調的山楂醬，滋味倍升。健康的朋友就狂攻粟米及菜蔬，超甜粟米，沒有人會不喜愛的。各式菜蔬吸晒湯底的精華，絕不簡單。通常吃過什菜籃，我就要個公仔麵作結，但今次店主推薦的細麵，配點點藤椒油，更加出色。又可樂又蛇酒，是晚非常放肆！餐廳資料:
火井火鍋海鮮飯店
西環石塘咀皇后大道西419號地舖
25474508
沒有留言:
張貼留言