食物：$$$$
環境：$$$$
服務：$$$$
作為帝京酒店的忠絲，佢哋既下午茶，幾乎每個主題我都吃過一遍。
上次的青花瓷實在太驚艷，所以當一月份轉新主題，我已急不及待要約埋朋友去見識下。
廚師團隊的創作力量和幻想早已不用置疑，今期同本地護膚品品牌Therapeautic 聯乘的沁悅‧絮語下午茶，我只有期待。
這裡的下午茶，從來不是獨沽一味玩英式三層架，時宜選用烏籠層架，時宜採用中式木架，甚至玩埋調色盤，總之次次新鮮。今趟，就是一個有點綴的木盒。
套餐拿來，件件精緻，由咸點開始，逐一介紹吧！按建議先吃蟹肉沙律伴芥末青蟹籽配檸香蘆薈啫喱杯，起初還在猶豫這款到底是咸食或是甜點。以蘆薈粒結合啫喱做基底，肯定清新，頂頭加上蟹肉沙律、芥末青蟹籽、蟹籽及花瓣作點綴，豐富口感，成件事清爽開胃，以此作開端，非常恰當之安排。再嚐鮮蝦三文魚籽配青瓜乳酪多士，脆卜卜魚籽與青瓜粒，口感自然好，大蝦也不會多說，最驚喜還是底下的脆多士，十分鬆脆可口。有趣的蛋白餅放在脆餅乾之上，以黑魚籽及金萡來添貴氣，蠻特別的一款。這次下午茶的美點，大多偏向健康，如雞肉燕麥卷配南瓜沙律蓉等。不要以為健康就一定唔好食，看這嫩滑的雞髀肉包裹著甘筍及彩椒的卷身，以燕麥片及黎麥等添上口感，是既健康又不失美味的好東西。
下午茶吃Scone大概無乜特別，其獨特之處在於芝士醬，有別於坊間大郭份地方採用的Clotted Cream及果占，口感軟滑，帶淡淡芝士香氣，又不會過搶的配置，令下午茶更具新鮮感和驚喜。咸食精彩，甜吃亦不會輸蝕，如這積雪草抹茶千層班戟蛋糕，小小的一件蛋糕要做成千層已經很費勁，廚師團隊還細心想到與護膚品品牌的關係，特意加入積雪草元素，再以香港人喜歡的抹茶去打造而成的糕點，真的要細心品嚐師傅的心思。金箔檸檬水信玄餅有如水晶球一樣，再以金萡及檸檬皮突顯矜貴感，或許就是要呈現出雪白水潤的飢膚，在鎂光燈下的閃爍的美。外型像香橙的一件，乃是香橙牛奶朱古力慕絲蛋糕，是味道最濃郁的一款，店員建議放在最後才品嚐，有道理。
最後，也是每次下午茶總會出現的亮點，係仙氣滿滿的甜點，今云的造型就係仙人掌。 這款雲呢拿仙人掌開心果慕絲蛋糕，既有近期大熱的開心果做慕絲，又用牛奶朱古力做出花盆，甚至真係有仙人掌成份，成個盆栽都可以吃，真心佩服！此套餐的特色飲品有凍也有熱，清爽甘筍蘋果汁岩晒愛凍飲的朋友仔，開心果拿鐵都好岩我口味。當然，你仍可選擇飲番一般的咖啡或者伯爵茶。
凡惠顧兩位用套餐，可免費獲贈 Therapeautic 水養滋潤潔面乳及水潤滋養精華液乙份，總值$900㗎！
餐廳資料:
獅房菜
旺角太子道西193號帝京酒店3樓
26226088
呢set下午茶口味幾特別，啲食物感覺無咁漏。
回覆刪除