食物：$$$1/2
環境：$$$$
服務：$$$$
南區朋友約食晚飯，地點竟然揀在荃灣如心廣場的文樂園，作為荃灣人既我，又怎能夠拒絕呢！
看門口的招牌，寫著始於1947，上網了解過，原來當年是做點心供應商起家，一直經營至今。且曾在何文田開設過點心專門店，唯多年前已告吹，是最近才在荃灣再戰江湖。
晚上沒有點心供應 (甜點除外)，那就叫餸吧，好吃的話我隨時可以再翻兜。
吃什麼由遠道而來的朋友話事，不出所料，佢都係會點上一份叉燒。$98/份的例牌叉燒，在今時今日收費已是相當克制。薄切，質感軟腍，有燶邊，蜜味足，算幾Dope。呢個價錢實在無謂再吹毛求疵諸多挑剔。太史燴蛇羹就唔合格了，不管味道如何，沒有跟上薄脆、檸檬葉及菊花瓣，已是不可原諒。接著來的兩款，都是重口味的。啫啫鱔煲，打開煲蓋，熱呼呼香噴噴的，已贏了印象分。鱔質感唔錯，混入洋蔥、蒜頭及紅蔥頭等，有夠惹味。不論是剛才的叉燒，這款鱔煲及之後要介紹的酸菜魚，都是好岩配白飯。酸菜魚片份量很大，採用桂花魚，口感自然是嫩滑，常說桂花魚最適合水煮或酸菜魚做法。至於今次既金湯，既酸，辣度亦比坊間的出品人偏高，不能吃辣的朋友要注意。最後也來碟菜，翡翠苗是也。幾喜歡呢款爽口的菜蔬，清甜無渣，不錯吃。難得相聚，當然又是傾到人家打烊才肯離開。
餐廳資料:
文樂園
荃灣楊屋道8號如心廣場一期地下G01A號舖
26335099
沒有留言:
張貼留言