Coffee by Zion - 西環人氣Cafe

食物：$$$$
環境：$$$$
服務：$$$$

好日都唔入西環，呢個星期竟然有三日去西環食飯，連我自己都估唔到。

平時會蒲Cafe，但唔會追逐網紅店，畢竟我早已不再是為打卡而吃的階段，再者我是非常討厭排隊。

原來是次來的這家，係人氣店，兩點前來仍要排隊，幸好有朋友一齊傾下講下，同埋我哋唔介意坐外邊，唔使好耐就有位。

自行以QR Code落單，再到收銀處付款，之後就可以等食物送來。

點了兩款意大利粉，先來的係蟹肉海膽醬意粉，賣相吸引，濃郁的海膽醬撈埋意粉吃，還有三文魚籽及蠻多的蟹肉豐富口感，果然不錯。如果頂頭可以放一撮新鮮海膽的話，視覺效果會更澎湃。

另一款是店家的招牌，韓式玫瑰醬配煙鴨胸QQ意大利粉。蠻喜歡這種意大利麵條的彈牙口感，而且有夠掛汁，結合芝士，岩晒重口味的朋友。煙鴨胸厚身得來亦唔會硬轟轟，比剛才的那款，天合我口胃。

大家都要了黑芝麻拿鐵，這其實是非咖啡類的飲品，勝在芝麻味濃郁。然而，面頭的卡通公仔 (應該說不上是拉花吧！)，我就唔識欣賞。或者一個普通的心型拉花，會更討我歡喜，大概是我已不再年青了。

有機會再探索下西環一帶的Cafe～

餐廳資料:
Coffee by Zion
西環西營盤第一街83號地下1號舖
94047721