文東記 - 星洲過江雞

食物：$$$$
環境：$$$$
服務：$$$$

久違了的桌球運動後，同波友搵個地方簡單吃點東西。

腦海浮出兩間餐廳，都是在同一條街，分別係韓國代表豬腳小姐，與及獅城的過江雞文東記。

六點半左右，全條街都唔多人，唯獨是豬腳小姐要大排長龍，我哋順理成章推門入文東記。

翻開餐牌，嘢食選擇唔多，跟星洲的很類近，也不再傷腦筋，直接要份二人餐就可以。

套餐當然包括招牌的海南雞，半隻。色澤跟當地一樣是偏白，吃起來總算皮爽肉滑，但味道就始終不及新加坡。不過，沾上黑漆漆的黑醬油，仍是合格以上分數。至於油飯，不像當地弄成金字塔般，但無影響味道。

咕嚕肉份量唔少，肉較少而粉漿偏多，甜酸度平衡尚可。不過，呢度就無用菠蘿，而是配以喬頭及番茄，我個人就無乜投訴，只因我本身都愛吃喬頭這東西。

套餐可揀參巴炒通菜，或者脆皮豆腐。朋友想食菜多啲，一於咁話。幾惹味的參巴醬，結合爽脆不老的通菜，合我口胃。我知，呢度既脆皮豆腐都好正，下次吧！

無加錢飲嘢，因為我想喝的手打檸檬茶售罄。

餐廳資料:
文東記
銅鑼灣登龍街18號V Point地下4號舖
26331122