New York Cut - 牛魔王的愉快週末

食物：$$$$
環境：$$$$
服務：$$$$

週末，約左牛魔王朋友食Brunch，自然要揀間主攻靚牛既餐廳，所以來到了New York Cut。

呢度既Weekend Brunch幾抵食，$408三道菜，牛扒仲可以任點任食，平時去扒房單點份牛扒都唔止呢個價。

頭盤可選牛肉他他或者龍蝦湯，兩個人各選一樣，大家開心些牙就最好。龍蝦湯夠熱夠濃郁，唔會死咸，仲有彈牙既龍蝦肉在內，可口。

牛肉他他有蛋黃係頂頭，賣相對辦，影完相撈勻既可。喜歡佢既出品保持一定咬口，帶微微的辣勁，更合我心。

主食既New York Strip係可以任食，會配上長通粉，或者意大利粉。同樣地，每樣一款，分甘同味。

番茄長通粉勝在醒胃，但我更欣賞以大蒜、欖檻及辣椒炒的經典意粉，香口彈牙。

牛扒火侯拿捏得宜，香口而肉質軟嫩，牛魔王朋友表示滿意，所以再追加一塊大家分享，淨要牛扒既可。再來的出品，質素沒有走樣，要讚！

加$158， Prosecco、Wakefield的紅白酒90分鐘內盡情暢飲，吃牛扒總是要有杯酒才圓滿既。

是日甜品，係日本Cremia軟雪糕，味道相當之濃郁，其實呢款雪糕，相信都唔使我長氣介紹吧~

餐廳後邊有個幾靚既小酒吧，搵日夜晚嚟，同三五知己飲番杯先。

餐廳資料:
New York Cut
中環皇后大道中80號H Queen’s 2樓
25550666