Beans - 人氣Cafe

食物：$$$1/2
環境：$$$$
服務：$$$$

雖說餐飲市道不景，但總有些品牌會是愈做愈大，就如Beans。

家陣Beans除左Cafe，仲開埋冰室，甚至麵包店，算是逆市奇葩。

週五晚上，九龍灣店要等位係理所當然，好在有人先來排隊，我就可以直行直入，坐低就食。

都有唔少嘢食供應，連德國咸豬手都係餐牌度見到。蠻巨型的，上桌時已切好，算得上是皮脆肉嫩，伴上酸椰菜以減低膩滯感，無咩投訴。

羊架一碟三件，用手拿起吃至好。同樣是肉嫩，沒什麼羊羶味，配上開心果碎無太大違和感，或者是汁醬的功勞。

小朋友愛吃意粉，清酒蜆肉鮑魚意大利粉，酒味早已揮發，小童食都無問題。試了一少許，喜歡意粉有咬口，仲有唔少黑蒜岩晒我。蜆肉好多，鮑魚卻只得一隻，唯勝在軟腍不韌。

以為自己眼花，在甜品餐牌上竟發現中式糖水的項目，如薑汁撞奶、芝麻糊等。味道就...... 不過不失啦，我呢啲老頑固，始終覺得吃這類東西，都係要去番中式糖水舖先岩feel~

叫主食會有薑姆茶送，都好丫！

餐廳資料:
Beans
九龍灣偉業街33號德福廣場1期平台P39A號舖
25580230