食物：$$$$
環境：$$$$
服務：$$$1/2
濶太朋友生日，當然要識做，早早夾定佢時間，以免排隊排到出年。
以往會俾幾間餐廳主角揀，不過今年佢已有心水餐廳，就係黃埔既Yakiniku
Kakura。
聽見佢話食日本燒肉，我心中暗喜，好像是為我這食肉獸而設的飯局喔！
主角話不如吃二人餐，有不同肉類可以試多幾款，同埋影相都靚啲。我沒有異議。
不消一會，沙律、泡菜拼盤及各式肉類連隨送上。細食既我，為保持戰鬥力，沙律只吃幾啖打開胃口便是。
泡菜、青瓜及薯仔的辣勁對我而言是恰到好處，此刻的我真想來碗白飯來伴之，不過因套餐會包石頭鍋飯而放棄。
先講牛肉，一碟四款，採用的是熊本的和王牛。有板腱牛排、牛胸腹肉、牛裹腹小排以及牛腹柳小排。牛排及牛胸腹肉的肉味較重，不過我更喜歡後兩者，脂香十足，尤其是牛腹柳小排，真有入口溶化之感。墊底還有些洋蔥及南瓜的菜蔬，在瘋狂擦牛肉後，可以平衡一下。
另一碟既有雞肉，亦有牛舌，同埋大蝦。薄片的牛舌發揮正常，不過我始終喜歡厚切，口感較好。大蝦的肉質總算彈牙，合格有餘。
石鍋飯放一陣才吃，做到有飯焦的效果。呢個飯味道可以，我既食法係配辣泡菜一起放入咀巴，肯定夾。
套餐還有包甜品，杏仁奶凍的杏香十足，再配一粒雪米糍，估佢唔到甜品都咁有水準。
如果可有杯咖啡，我會更加滿足，不過其實呢個套餐已收貨有餘。
沒有留言:
張貼留言