食物：$$$1/2
環境：$$$$
服務：$$$$
雖然近年已減少了吃自助餐的次數，不過踏入了普天同慶的月份，怎樣也要吃番餐Buffet才感覺圓滿。
市區的酒店幾乎全都到訪過，今年不如試試屯門黃金海岸酒店的自助餐?
第一次來
(之前食過酒店扒房和沙嗲軒)，兜過圈睇睇有咩食先?!
唔會長氣逐樣食物介紹，主力講講幾款必吃的項目就是。
首先是燒烤類食品，燒豬頸肉件件厚身，口感彈牙。羊架香噴噴，火候控制一流，用手拿起吃十分滋味。同樣不用顧儀態的，乃燒雞翼，平凡中見真章。其餘的燒粟米、菠蘿、大蝦及串燒等都好有水準，而且在酒店自助餐能嚐到炭火烤的美食實在不常見。
再者就是印度美食，畢竟有印度師傅坐陣，口味正宗又美味，奶油雞、咖喱牛及咖喱芝士都建議要試，記緊拿點Naan
Bread 來醮汁，吃盡每一滴之精華。仲有，佢款印式馬薩拉捲餅都好有驚喜。
熟客仔朋友話呢度個西湯不可走漏，果然是帶有濃濃的海鮮氣息，各式海鮮配料亦可按自己喜好加上。
平時吃自助餐，好大機會會略過粉麵環節，但呢度我就不會錯過，因為有喇沙湯底，有椰香又惹味。配料選擇都唔少，各式菜蔬、丸類及大蝦等，悉隨尊便。胃口不大的朋友，走麵底，來份淨餸配喇沙湯底亦可。
如果你是食肉獸，也來些燒牛肉吧，呢度既火候都拿捏得幾好的。
基本的凍海鮮當然亦不缺，凍蝦、翡翠螺、長腳蟹及青口等，一應俱全。
甜品以蛋糕類為主，小朋友喜歡的朱古力噴泉也在陣，雪糕則是採用Movenpick，用來配格仔餅，信心保証。
以我所知，聖誕幾天會有更多節日食品，如火雞、菠蘿蜜糖火腿及Stollen等等。若假日不打算外遊，來海灘走走，吃番頓自助餐，也是很好的節日安排喔~
沒有留言:
張貼留言