食物：$$$$
環境：$$$1/2
服務：$$$$
名古屋的其中一個打卡熱店，必要數到呢間以長長炸蝦天婦羅為主打的店子。
本身沒打算專程來吃，畢竟我總覺得是外貌大於實際，然而某天在地下街商場經過，又唔見有人排場，那就入去見識下吧，希望只是我的偏見。
店內的裝潢並不花巧，掛上一隻附上店名的巨型天婦羅作裝飾，清晰地說明一切。
自行以QR
Code落單，已經是大勢所趨，即使不懂日文，看圖識字或者求助Google大神，亦不難辦妥。巨型炸蝦天婦羅是每枱必點的，若然不柯打這味，真不知道為什麼要進來。
先講一下配角的炸蝦三文治，將天婦羅蝦剪開，連椰菜絲作餡。包身微脆，炸蝦仍是熱燙，椰菜絲正好作個中和。其實料唔差，又新鮮做起的出品，又點可能會難食？
好了，要介紹真正的主角，特大炸蝦天婦羅！定食還跟上雞蛋沙律、味噌湯及白飯。
呢條超巨型的天婦羅，足足35cm長，而且有姿態有實際。剛剛炸起，香脆熱燙，蝦肉亦寧舍爽彈，完全不是一般天婦羅可以媲比。店家會俾剪刀你將炸蝦剪開，方便食用。咬一口天婦羅，再一啖軟熟的白飯，滿足矣。
餐廳有盒裝的天婦羅出售，包括呢款35cm的巨型版本，曾有一點衝動買回來給朋友作手信…
但最終，我沒有這樣做。
餐廳資料:
海老Dote 食堂
愛知縣名古屋市中村區椿町6-9 ESCA地下街
沒有留言:
張貼留言