食物：$$$1/2
環境：$$$$
服務：$$$1/2
近月有兩個大型商場開幕，分別係啟德的The
Airside，與及大圍既圍方。論知名程度，當然是後者優勝。
躝啦！躝啦！保安員的一句說話，令這商場無人不曉，今時今日要搞壞一個品牌的名聲，實在容易。
做什麼事都慢幾拍的筆者，踏入十二月才首次到訪這商場，人氣已大不如初開幕時那般熾熱，平日中午繁忙時間，大部份食肆都無需等位。
選擇了在御•家上海坐低，皆因我的小籠包癮又發作。
小食的花生配麻辣蓮藕片，份量唔少，做得幾有誠意。藕片爽脆，辣中滲出麻香，幾醒胃，
麻辣的東西總有其吸引之處。
有人提議試鐵板小籠包，我曾經嚐過，也樂意翻兜。誠言，我覺得是噱頭大於味道，畢竟佢個底唔係煎得脆口，吃起來與一般的小籠包分別不大，幸而還算皮薄而多汁。
接下來的兩款點心，是圍方店限定之出品，即雪菜黃魚春卷和韭菜蛋餅，後者微脆而帶點韭菜香，如果韭菜成份可以再多一些，必更理想。
新鮮炸起的春卷，咬落脆卜卜，那有不好吃的可能?
由廣東式的豬肉餡變成富滬菜風味的雪菜黃魚餡，喜歡香口嘢既我覺得同樣好吃，而這款感覺上更清一點。
生怕吃不飽，來碟炒粉麵最為實際，銀芽肉絲兩面黃，在坊間已買少見少。做到外脆內軟的效果，芡汁唔會過多，有少許韭黃相伴，沒投訴了。
由於屋企有大量甜食，因而放棄了這裡的滬式甜點了。
有冇順便行下商場濕平下呀？
回覆刪除