食物：$$$1/2
環境：$$$$
服務：$$$$
呢期有點放肆，竟然一星期內食第二餐三層架下午茶。
目標係帝京酒店的獅房菜，能吸引到我既，就是其別出心裁的鬼馬下午茶。
到底有幾鬼馬?
大概係腸粉不是腸粉，菠蘿包唔係菠蘿包，雞蛋仔又係扮既，等等等等...
由頂層開始食起，有矜貴既小龍蝦伴茄茸芥末洋蔥沙沙脆多士，主角的小龍蝦係紐西蘭深海貨色，口感爽彈好吃。另一件的三文治，忌廉芝士及黑松露的香氣先聲奪人，還有少許粟米餡作點綴。
一向愛吃風乾火腿，將之包裹著爽甜的露筍，呢個組合肯定穩陣。輕輕火炙過的吞拿魚，伴以蘋果茸，以青瓜片墊底，是個清新的小吃。蟹肉香芒酥，一句講晒足料，而蟹肉及芒果也從來是最佳拍擋。
最底一層，大概是重點所在。貌似菠蘿油造型的甜品，實質上係鳳梨酥，那片牛油用上熱情果忌廉來炮製，好清新醒胃的偽菠蘿油。腸粉造型的一款，係牛乳凍卷，是眾多款式之中我認為最鬼馬的，抵死在配埋真芝麻醬及帶果香的偽甜醬，若不是迷你版本，我會以為是真腸粉囉。
至於雞蛋仔，真身係金沙奶皇酥，感覺有點似曾相識，皆因就是中秋才嚐過的奶皇月餅的味道。
呢隻連杯身和杯蓋都可以食的奶茶慕絲蛋糕，我之前已嚐過，其像真程度，與及層次感，太令人讚嘆。
三層架的食物以外，還有一份經典的火焰雪山，店員在席前淋酒玩火，即使不是Blogger/KOL，也總會忍不住拿出電話來打個卡。
下午茶餐當然有跟飲品，我揀的紅豆奶茶，用上十勝紅豆，酒店出品自然與別不同。
來品嚐下午茶的朋友，亦會獲贈港式奶茶夾心趣脆，可以拿走就家人或朋友分享。
充滿本土特色既下午茶，又點可以唔支持呢！
但係我真係好想食真嘅腸粉哦😋
回覆刪除