Cozy Coffee - 巧遇霸氣貓貓

食物：$$$1/2
環境：$$$$
服務：$$$$ 

同呢位老友大大話話五、六年無見面，難得大忙人有空可以食Lunch，我一定要出現。

想搵個地方坐耐啲吹下水，兩點後的南豐紗廠大概會是不錯的選擇，我指的當然是平日。

呢個場真係好鬼多Cafe，隨意的揀左呢間Cozy，印象中算係這個場的元老級咖啡店。

午餐取價大約一百蚊左右，會包一杯咖啡，正常Cafe收費吧。我要的是寶雲酥烤雞扒，這個做法配羊架會比較普遍，但原來與雞扒都相襯，吃起來除了雞扒肉嫩，頂頭也多一份層次感。伴菜既有香口的薯角，亦有烤菜蔬，如番茄和翠肉瓜等，有點誠意。

老友的豬扒賣相平凡，大概是因為太薄的原故，不過佢俾足兩塊你既。試了少許，尚算鬆化，我想面頭的燒菠蘿會更為吸引。

簡單要杯Americano，止止我的咖啡癮。

畢竟呢個都係香港數一數二Pet Friendly的商場，必定會遇上唔少可愛的狗狗，但碰到霸氣貓貓的機會卻是可遇不可求。

呢隻貓除左唔怕人，仲好習慣與不同的狗狗玩樂，亦因為罕見，輕易地成為全場焦點，人人爭住同佢影相打卡。

據主人講，佢哋好多時都會來這商場，我下次都再嚟睇下撞唔撞到佢先！

餐廳資料:
Cozy Coffee
荃灣白田壩街45號南豐紗廠1樓117號舖
51705247